نظم

اس سے کہنا

مری زندگانی میں بس رائگانی رہی

جتنے منظر مری آنکھ میں تیری صورت سے خالی گئے رائیگاں

جتنی راتیں تری یاد سے باز رہ کر گزاری گئیں رائیگاں

جتنی نیندیں پرے تیرے خوابوں سے تھیں رتجگوں سے زیادہ گراں

تیرا ملنا فقط حاصل زیست ٹھہرا

تری خیر ہو

ورنہ سب جتنی سانسیں بھری اس سفر میں

ترا ہاتھ ہاتھوں میں جب جب نہیں تھا

وہ سب رائیگاں

اس سے کہنا کہ ہم تیری راہوں میں ذرہ برابر بھی نہ بن سکے

ان کو صحبت میسر ہے قدموں کی تیرے مگر ہائے ہم

قصہ المختصر

زندگانی فقط رائیگانی