nazm

bahut thoḌe se dinoñ ke liye

hameñ ḳhushī de dī jaa.e

yā saḌak ke donoñ jānib

sāya-dār daraḳhtoñ kā saaya

bahut thoḌe se dinoñ ke liye

tez dhuup ham se vāpas le lī jaa.e

yā donoñ pairoñ meñ pahanñe ke liye

siyāh maḳhmal ke bane juute

de diye jaa.eñ

bahut thoḌe se dinoñ ke liye

ham se pattharoñ se bane rāste par

chalne ke liye na kahā jaa.e

shaam ke aḳhbār ke saath

kisī bhī rañg ke do phūloñ

aur ek rumāl

bahut thoḌe se dinoñ ke liye

hameñ kisī bhī tarah kī

koī ḳhabar na dī jaa.e

hamārī āñkhoñ meñ

āñkhoñ Daal ke dekhā jaa.e

hameñ bheḌiyoñ ke havāle na kiyā

bahut thoḌe se dinoñ ke liye

hameñ ek kashtī ek chāñd

yā ek samundar se ziyāda

ahmiyat nahīñ dī jaa.e

bahut thoDe se dinon ke liye

hamein KHushi de di jae

ya saDak ke donon jaanib

saya-dar daraKHton ka saya

bahut thoDe se dinon ke liye

tez dhup hum se wapas le li jae

ya donon pairon mein pahanne ke liye

siyah maKHmal ke bane jute

de diye jaen

bahut thoDe se dinon ke liye

hum se pattharon se bane raste par

chalne ke liye na kaha jae

sham ke aKHbar ke sath

kisi bhi rang ke do phulon

aur ek rumal

bahut thoDe se dinon ke liye

hamein kisi bhi tarah ki

koi KHabar na di jae

hamari aankhon mein

aankhon Dal ke dekha jae

hamein bheDiyon ke hawale na kiya

bahut thoDe se dinon ke liye

hamein ek kashti ek chand

ya ek samundar se ziyaada

ahmiyat nahin di jae