neta ji

tum se bhārat ke logoñ kī

dekhī na ga.ī jab barbādī

be-ḳhauf-o-ḳhatar ho kar yaksar

laḌne lage jang-e-āzādī

kī duur vatan se barbādī

ai netā jī ai netā jī

chitranjan-dās kī qurbat meñ

bhārat ke liye har kaam kiyā

dānish jur.at hī se apnī

qaumī tahrīk meñ naam kiyā

māñgeñ thiiñ tumhārī buniyādī

ai netā jī ai netā jī

jhele na ga.e añgrezoñ ke

baḌhte hue had se zulm-o-sitam

ik fauj banā kar phir tum ne

sab ḳhatm kiye un ke dam-ḳham

kar dī dushman kī barbādī

ai netā jī ai netā jī

āzādī kī ḳhātir tum ne

jeleñ kāTīñ har ġham jhelā

āzād huā jis din bhārat

tum ne hī na āñkhoñ se dekhā

tum dekhte jashn-e-āzādī

ai netā jī ai netā jī

japan meñ jā kar ai netā

kis tarah kahāñ rū-posh hue

ruḳh kar na sake phir bhārat kā

aise bhī kyā mad.hosh hue

aa jaao ki ab hai āzādī

ai netā jī ai netā jī

aksar ye gumāñ hai logoñ ko

tum sāmne jaise aa.e ho

us kā ye kahīñ matlab to nahīñ

tum zehn-o-dil par chhā.e ho

kahtī hai ye saarī ābādī

ai netā jī ai netā jī

tum se bhaarat ke logon ki

dekhi na gai jab barbaadi

be-KHauf-o-KHatar ho kar yaksar

laDne lage jang-e-azadi

ki dur watan se barbaadi

ai neta ji ai neta ji

chitranjan-das ki qurbat mein

bhaarat ke liye har kaam kiya

danish jurat hi se apni

qaumi tahrik mein nam kiya

mangen thin tumhaari buniyaadi

ai neta ji ai neta ji

jhele na gae angrezon ke

baDhte hue had se zulm-o-sitam

ek fauj bana kar phir tum ne

sab KHatm kiye un ke dam-KHam

kar di dushman ki barbaadi

ai neta ji ai neta ji

aazadi ki KHatir tum ne

jelen kaTin har gham jhela

aazad hua jis din bhaarat

tum ne hi na aankhon se dekha

tum dekhte jashn-e-azadi

ai neta ji ai neta ji

japan mein ja kar ai neta

kis tarah kahan ru-posh hue

ruKH kar na sake phir bhaarat ka

aise bhi kya madhosh hue

aa jao ki ab hai aazadi

ai neta ji ai neta ji

aksar ye guman hai logon ko

tum samne jaise aae ho

us ka ye kahin matlab to nahin

tum zehn-o-dil par chhae ho

kahti hai ye sari aabaadi

ai neta ji ai neta ji