nifaq

nifāq se ḳhudā bachā.e rog ye shadīd hai

balā-e-jān aadmī nishān-e-buz-dilī hai ye

zavāl-e-ādmī hai ye vabāl-e-ādmī hai ye

agar kahūñ durust hai ki marg-e-ādmī hai ye

ye gandagī kā Dher hai ġhilāf meñ Dhakā chhupā

ye ḳhaufnāk zahr hai miThās meñ milā-julā

vabā-e-haul-nāk hai balā-e-haul-nāk hai

ye chaltī phirtī aag hai dayār o mulk o shahr meñ

nifāq se ḳhudā bachā.e rog ye ḳhabīs hai

libās-e-jism-e-ādmī meñ koḌh hai chhupā huā

munāfiqoñ kī ḳhaslateñ ajiib haiñ ġharīb haiñ

zabāñ pe kuchh hai dil meñ kuchh kaheñge kuchh kareñge kuchh

zabāñ pe dostī kā raag āstīn meñ chhurī

diloñ meñ buġhz hai bharā magar laboñ pe hai hañsī

zabān par ḳhudā kī raT diloñ meñ fikr-e-shaitanat

ye apne aap haiñ ḳhudā ġharaz ko pūjte haiñ ye

ye nafs ke ġhulām haiñ mafād ke ġhulām haiñ

ye apne aap muqtadī ye apne ḳhud imaam haiñ

nifaq se KHuda bachae rog ye shadid hai

bala-e-jaan aadmi nishan-e-buz-dili hai ye

zawal-e-admi hai ye wabaal-e-admi hai ye

agar kahun durust hai ki marg-e-admi hai ye

ye gandagi ka Dher hai ghilaf mein Dhaka chhupa

ye KHaufnak zahr hai miThas mein mila-jula

waba-e-haul-nak hai bala-e-haul-nak hai

ye chalti phirti aag hai dayar o mulk o shahr mein

nifaq se KHuda bachae rog ye KHabis hai

libas-e-jism-e-admi mein koDh hai chhupa hua

munafiqon ki KHaslaten ajib hain gharib hain

zaban pe kuchh hai dil mein kuchh kahenge kuchh karenge kuchh

zaban pe dosti ka rag aastin mein chhuri

dilon mein bughz hai bhara magar labon pe hai hansi

zaban par KHuda ki raT dilon mein fikr-e-shaitanat

ye apne aap hain KHuda gharaz ko pujte hain ye

ye nafs ke ghulam hain mafad ke ghulam hain

ye apne aap muqtadi ye apne KHud imam hain