night school

fasl-e-gul mahkī hai phir ġhuncha-dahan khultā hai

shaam Dhalne lagī aur shab kā badan khultā hai

āsmāñ par hue chāhat ke sitāre raushan

shahr-e-ḳhāmosh meñ ik bāb-e-suḳhan khultā hai

harf-e-ulfat se mahak uTThegī ḳhāmosh sahar

zahr piite the jo shā.ir vo ġhazal-ḳhvāñ hoñge

aaj āfāq par ḳhurshīd-o-qamar nācheñge

aur sitāre bhī galī kūche meñ raqsāñ hoñge

ahl-e-dānish bhī luTā.eñge basīrat ke jaam

ilm-o-idrāk ke pyāsoñ pe talab-gāroñ par

mahfil-e-rang jamā.eñge hunar se mai-kash

hogī saaqī kī ināyat bhī gunahgāroñ par

varaq-e-sāda pe ḳhvāhish ke na.e rang liye

raat aa.ī hai kisī husn ko jalva dene

arsa-e-dahr se ik ḳhvāb-shikan ko thāme

chashm-e-duḳhtar ko ujāloñ kā ye tohfa dene

fasl-e-gul mahki hai phir ghuncha-dahan khulta hai

sham Dhalne lagi aur shab ka badan khulta hai

aasman par hue chahat ke sitare raushan

shahr-e-KHamosh mein ek bab-e-suKHan khulta hai

harf-e-ulfat se mahak uTThegi KHamosh sahar

zahr pite the jo shair wo ghazal-KHwan honge

aaj aafaq par KHurshid-o-qamar nachenge

aur sitare bhi gali kuche mein raqsan honge

ahl-e-danish bhi luTaenge basirat ke jam

ilm-o-idrak ke pyason pe talab-garon par

mahfil-e-rang jamaenge hunar se mai-kash

hogi saqi ki inayat bhi gunahgaron par

waraq-e-sada pe KHwahish ke nae rang liye

raat aai hai kisi husn ko jalwa dene

arsa-e-dahr se ek KHwab-shikan ko thame

chashm-e-duKHtar ko ujalon ka ye tohfa dene