niche ki or

vaqt kī daldal meñ dhañstā jā rahā huuñ

mere chāroñ or gadlī lajlajī yādoñ kī tah hai

sar pe biitī umr ke TuuTe hue lamhoñ kā bojh

is safar kī ibtidā kaise huī thī

ye ḳhabar mujh ko nahīñ

yaad bas itnā hai

mere vālid-e-marhūm kuchh uupar hī mujh se rah ga.e the

intihā kyā hai safar kī

kaun jaane

saañs kā har tāziyāna

mujh ko nīche aur nīche kī taraf hī khīñchtā hai

jaane maiñ tah tak bhī pahuñchūñgā

ki vālid kī tarah

apne bachchoñ ko bhī dhañsne ke liye kah jā.ūñgā

vaqt kī daldal meñ dhañstā jā rahā huuñ

waqt ki daldal mein dhansta ja raha hun

mere chaaron or gadli lajlaji yaadon ki tah hai

sar pe biti umr ke TuTe hue lamhon ka bojh

is safar ki ibtida kaise hui thi

ye KHabar mujh ko nahin

yaad bas itna hai

mere walid-e-marhum kuchh upar hi mujh se rah gae the

intiha kya hai safar ki

kaun jaane

sans ka har taziyana

mujh ko niche aur niche ki taraf hi khinchta hai

jaane main tah tak bhi pahunchunga

ki walid ki tarah

apne bachchon ko bhi dhansne ke liye kah jaunga

waqt ki daldal mein dhansta ja raha hun