nind aati hai to lagta hai ke tum aae ho

niiñd aatī hai to lagtā hai ke tum aa.e ho

aañkh kholūñ to kahīñ duur talak koī nahīñ

huuñ muqayyad maiñ kisī gosha-e-tanhā.ī meñ

har taraf phailī huī dhund nazar aatī hai

sāmne tum se bichhaḌne kā vahī manzar hai

aañkh meñ chubhtā hai ye miil kā patthar sun lo

log kahte haiñ manāzir to badal jaate haiñ

kuchh qadam chhoḌ ke har yaad kā dāman dekho

Thiik kahte bhī hoñ ye log to kyā chāra hai

aap kī yaad vo dāman nahīñ chhoḌeñ jis ko

ye to ik daam hai maiñ jis meñ ulajh kar dekho

laakh barbād huuñ nāshād huuñ nākām nahīñ

vaqt palTegā tum aaoge to ye dekhoge

is bharose ke sahāre maiñ abhī zinda huuñ

nind aati hai to lagta hai ke tum aae ho

aankh kholun to kahin dur talak koi nahin

hun muqayyad main kisi gosha-e-tanhai mein

har taraf phaili hui dhund nazar aati hai

samne tum se bichhaDne ka wahi manzar hai

aankh mein chubhta hai ye mil ka patthar sun lo

log kahte hain manazir to badal jate hain

kuchh qadam chhoD ke har yaad ka daman dekho

Thik kahte bhi hon ye log to kya chaara hai

aap ki yaad wo daman nahin chhoDen jis ko

ye to ek dam hai main jis mein ulajh kar dekho

lakh barbaad hun nashad hun nakaam nahin

waqt palTega tum aaoge to ye dekhoge

is bharose ke sahaare main abhi zinda hun