nishat-ussaniya

ye maanā ki saare mazāhir haiñ fitrī

magar koī pūchhe havāoñ se

be-mehr kyuuñ laatī hai patte

harī Dāliyoñ se

zamīñ karvaTeñ kyuuñ badaltī hai

laave ugaltī hai kyuuñ

bastiyāñ raakh hotī haiñ

bah jaate haiñ gaañv ke gaañv

jab taish meñ dauḌtā hai samundar hadeñ bhuul kar

bijliyāñ TuuT paḌtī haiñ kyuuñ ḳhirmanoñ par

gahan chāñd sūraj pe chhātā hai kyuuñ

rū-ba-rū hone ko kyuuñ machal uThte haiñ

fāsloñ meñ baTe

dūr-uftāda sayyāre

taare zamīñ chuum lete haiñ kyuuñ

isī kurra-e-arz par

chand miTTī ke tode

baḌī der se muntazir haiñ

kisī aise bartāo ke

jo badal de sarāpā

vo afa.āl jin se ibārat taharruk

vo āsār jin se qayāmat huvaidā

pa.e-qahr yā mehr

is pal

isī ek pal meñ

machal jaa.e fitrat

ye mana ki sare mazahir hain fitri

magar koi puchhe hawaon se

be-mehr kyun lati hai patte

hari Daliyon se

zamin karwaTen kyun badalti hai

lawe ugalti hai kyun

bastiyan rakh hoti hain

bah jate hain ganw ke ganw

jab taish mein dauDta hai samundar haden bhul kar

bijliyan TuT paDti hain kyun KHirmanon par

gahan chand suraj pe chhata hai kyun

ru-ba-ru hone ko kyun machal uThte hain

faslon mein baTe

dur-uftada sayyare

tare zamin chum lete hain kyun

isi kurra-e-arz par

chand miTTi ke tode

baDi der se muntazir hain

kisi aise bartao ke

jo badal de sarapa

wo afaal jin se ibarat taharruk

wo aasar jin se qayamat huwaida

pae-qahr ya mehr

is pal

isi ek pal mein

machal jae fitrat