nukta-farsai

har koī kāfir-garoñ meñ nafra-o-nammām hai

merī āñkheñ dekhtī haiñ un kā jo anjām hai

kyā kahūñ kyā gul khilā.e haiñ abul-barkāt ne

fitna-ārā.ī musalmānoñ meñ us kā kaam hai

duḳhtarān-e-mulk-o-millat raqs farmātī rahīñ

is na.ī tahzīb meñ culture isī kā naam hai

rañDiyāñ na.at-e-nabī par nukta-farsā.ī kareñ

tū kahāñ ai intiqām-e-gardish-e-ayyām hai

gā.ikī ke zer-o-bam se ham bhalā kyā āshnā

radio kā ham ġharīboñ par baḌā in.aam hai

nasl-e-nau kī puḳhtagī-e-fan kā farmūda hai ye

agle vaqtoñ ke buzurgoñ kī firāsat ḳhaam hai

ḳhvāja-e-kaunain kī chashm-e-karam ke faiz se

merā har har sher 'shorish' pāra-e-ilhām hai

har koi kafir-garon mein nafra-o-nammam hai

meri aankhen dekhti hain un ka jo anjam hai

kya kahun kya gul khilae hain abul-barkat ne

fitna-arai musalmanon mein us ka kaam hai

duKHtaran-e-mulk-o-millat raqs farmati rahin

is nai tahzib mein culture isi ka nam hai

ranDiyan nat-e-nabi par nukta-farsai karen

tu kahan ai intiqam-e-gardish-e-ayyam hai

gaiki ke zer-o-bam se hum bhala kya aashna

radio ka hum gharibon par baDa inam hai

nasl-e-nau ki puKHtagi-e-fan ka farmuda hai ye

agle waqton ke buzurgon ki firasat KHam hai

KHwaja-e-kaunain ki chashm-e-karam ke faiz se

mera har har sher 'shorish' para-e-ilham hai