pagal

vo aayā shahr kī taraf

ik us kī chaap kī khanak

qayām-e-roz-e-ishq kī pukār thī

ki barg-o-bār-e-ḳhāk kā fishār thī

vo aayā shahr kī taraf

lapak ke iiñT kī taraf

vo is tarah baḌhā ki jaise nān-e-ḳhushk par koī

sag-e-gurasua gir paḌe

vo gāliyoñ bharī zabāñ galī galī chhalak paḌī

har ek jeb us kī uñgliyoñ se taar taar thī

ki us kī thūthnī se phūTtī gamak

qiyām-e-roz-e-ishq kī pukār thī

vo gāliyoñ bharī zabāñ mirā libās gandagī se bhar ga.ī

na jaane kitne log

us ke dast-e-dashna-dār se guzar ga.e

hayāt paar kar ga.e

vo be-hunar subuk-tanī se Dar gayā

sab us kī rah se haT ga.e

to us ne apnī ruuh kī barahnagī

zamīn-e-māh kī taraf uchhāl dī

ki ye hunar usī kā thā

wo aaya shahr ki taraf

ek us ki chap ki khanak

qayam-e-roz-e-ishq ki pukar thi

ki barg-o-bar-e-KHak ka fishaar thi

wo aaya shahr ki taraf

lapak ke inT ki taraf

wo is tarah baDha ki jaise nan-e-KHushk par koi

sag-e-gurasua gir paDe

wo galiyon bhari zaban gali gali chhalak paDi

har ek jeb us ki ungliyon se tar tar thi

ki us ki thuthni se phuTti gamak

qiyam-e-roz-e-ishq ki pukar thi

wo galiyon bhari zaban mera libas gandagi se bhar gai

na jaane kitne log

us ke dast-e-dashna-dar se guzar gae

hayat par kar gae

wo be-hunar subuk-tani se Dar gaya

sab us ki rah se haT gae

to us ne apni ruh ki barahnagi

zamin-e-mah ki taraf uchhaal di

ki ye hunar usi ka tha