pachhtawa

maiñ ne dekhe haiñ vo marhale ki jahāñ

zindagī maut kā bāhamī fāsla

do qadam bhī na thā

aise lamhoñ kī saarī aziyyat ko maiñ

kis qadar hausloñ se sañbhāle rahā

jab talak mujh meñ jiine ke āzār se munsalik

saañs lene kī ḳhvāhish rahī

merī fikr-o-nazar kī sabhī kāvisheñ

tīra-o-tār maujoñ se laḌtī rahīñ

aur maiñ maut kī sīḌhiyoñ pe khaḌā

muskurātā rahā

ab magar sochtā huuñ ki ai jān-e-jāñ

jism kī saarī āsā.isheñ be-sifat

bazm kī saarī sar-mastiyāñ bad-vaz.a

zindagī maut kā bāhamī fāsla

do qadam hī to thā

lauT aayā huuñ kyoñ

main ne dekhe hain wo marhale ki jahan

zindagi maut ka bahami fasla

do qadam bhi na tha

aise lamhon ki sari aziyyat ko main

kis qadar hauslon se sanbhaale raha

jab talak mujh mein jine ke aazar se munsalik

sans lene ki KHwahish rahi

meri fikr-o-nazar ki sabhi kawishen

tira-o-tar maujon se laDti rahin

aur main maut ki siDhiyon pe khaDa

muskuraata raha

ab magar sochta hun ki ai jaan-e-jaan

jism ki sari aasaishen be-sifat

bazm ki sari sar-mastiyan bad-waza

zindagi maut ka bahami fasla

do qadam hi to tha

lauT aaya hun kyon