pahli tariKH

dard kī sā.atoñ se ghabrā kar

filoñ se diloñ ko bahlā kar

kyā batā.eñ ki kis tarah ham ne

terī furqat meñ din guzāre haiñ

terī aamad hamāre chehre par

aaj ik tāzgī sī le aa.ī

lekin is aarzī masarrat ko

ḳhuub achchhī tarah samajhte haiñ

chand lamhoñ meñ ye na.e kāġhaz

ham se is tarah duur bhāgeñge

jis tarah chand qarz-dāroñ kī

pīchhā kartī huī nigāhoñ se

puure ik maah ham farār rahe

kal se phir ai sadā-bahār dulhan

raat din intizār meñ tere

koh-e-ġham se sar apnā phoḌeñge

tujh se rishta kabhī na toḌeñge

dard ki saaton se ghabra kar

filon se dilon ko bahla kar

kya bataen ki kis tarah hum ne

teri furqat mein din guzare hain

teri aamad hamare chehre par

aaj ek tazgi si le aai

lekin is aarzi masarrat ko

KHub achchhi tarah samajhte hain

chand lamhon mein ye nae kaghaz

hum se is tarah dur bhagenge

jis tarah chand qarz-daron ki

pichha karti hui nigahon se

pure ek mah hum farar rahe

kal se phir ai sada-bahaar dulhan

raat din intizar mein tere

koh-e-gham se sar apna phoDenge

tujh se rishta kabhi na toDenge