par ab ye mushkil hai

maiñ dāstān-e-vafā ke is moḌ par

ajab kashmakash meñ huuñ ab

ki zehn-o-dil kī laḌā.iyāñ to

rah-e-vafā ke har ik musāfir kī zindagī kā haiñ juzv-e-lāzim

hai ab ye mushkil ki dil meñ aur mujh meñ Than ga.ī hai

mirā ye isrār hai

milan kī rutoñ kī pahlī sahar tarāshūñ

pe dil ba-zid hai

ki shām-e-ġham ke diye kī lau ko lahū se sīñchūñ

maiñ dil kī sachchā.ī par yaqīñ rakhne vaalā insān

kashmakash meñ huuñ ab

ki apnī ragoñ ke amrit se

vasl-rut ko jalā duuñ

yā phir ḳhatt-e-shikasta meñ

apnī āñkhoñ ke surḳh Doroñ se

rat-jagoñ kī bayāz par terā naam likkhūñ

sahar tarāshūñ ki shaam likkhūñ

main dastan-e-wafa ke is moD par

ajab kashmakash mein hun ab

ki zehn-o-dil ki laDaiyan to

rah-e-wafa ke har ek musafir ki zindagi ka hain juzw-e-lazim

hai ab ye mushkil ki dil mein aur mujh mein Than gai hai

mera ye israr hai

milan ki ruton ki pahli sahar tarashun

pe dil ba-zid hai

ki sham-e-gham ke diye ki lau ko lahu se sinchun

main dil ki sachchai par yaqin rakhne wala insan

kashmakash mein hun ab

ki apni ragon ke amrit se

wasl-rut ko jala dun

ya phir KHatt-e-shikasta mein

apni aankhon ke surKH Doron se

rat-jagon ki bayaz par tera nam likkhun

sahar tarashun ki sham likkhun