pareshani-e-did

vo pareshān hai

merī nazroñ ko apne badan se lipaTte chimaTte hue dekh kar

kitnī bechain hai

sandalīñ jism par goyā lipTe hue saañp hī saañp hoñ

aur maiñ

us ke har añg par

apnī nazreñ jamā.e hue

sar-ba-sar aañkh huuñ

zer-o-bam zer-o-bam pech-o-ḳham pech-o-ḳham

saaq zaanū jabīñ pusht sar-tā-qadam

merī laser shuāoñ ke is jaal meñ

zulf siina kamar puurā akvariom

pairahan jild aur gosht ke paar kā saarā ahvāl bhī

jāntā huuñ use bhī ye mālūm hai

jāntī hai ki ham haiñ baham tak mile phir bhī vo kyuuñ pareshān hai

wo pareshan hai

meri nazron ko apne badan se lipaTte chimaTte hue dekh kar

kitni bechain hai

sandalin jism par goya lipTe hue sanp hi sanp hon

aur main

us ke har ang par

apni nazren jamae hue

sar-ba-sar aankh hun

zer-o-bam zer-o-bam pech-o-KHam pech-o-KHam

saq zanu jabin pusht sar-ta-qadam

meri laser shuaon ke is jal mein

zulf sina kamar pura akwariom

pairahan jild aur gosht ke par ka sara ahwal bhi

jaanta hun use bhi ye malum hai

jaanti hai ki hum hain baham tak mile phir bhi wo kyun pareshan hai