aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kale safed paron wala parinda aur meri ek sham

Akhtarul Iman

kale safed paron wala parinda aur meri ek sham

Akhtarul Iman

MORE BYAkhtarul Iman

    jab din Dhal jaatā hai, sūraj dhartī oT meñ ho jaatā hai

    aur bhiḌoñ ke chhatte jaisī bhin-bhin

    bāzāroñ garmī, afrā-tafrī

    motor, bas, barqī railoñ hañgāma tham jaatā hai

    chā.e-ḳhānoñ nāch-gharoñ se kam-sin laḌke

    apne ham-sin māshūqoñ ko

    jin jinsī ḳhvāhish vaqt se pahle jaag uThī hai

    le kar chukte haiñ

    baḌhtī phailtī ūñchī himāla jaisī ta.amīroñ par ḳhāmoshī chhā jaatī hai

    theater tafrīh-gāhoñ meñ taale paḌ jaate haiñ

    aur ba-zāhir duniyā so jaatī hai

    maiñ apne kamre meñ baiThā sochā kartā huuñ

    kuttoñ dum TeḌhī kyuuñ hotī hai

    ye chitkabrī duniyā jis koī bhī kirdār nahīñ hai

    koī falsafa koī pā.inda aqdār nahīñ, me.aar nahīñ hai

    is par ahl-e-dānish vidvān, falsafī

    moTī moTī adaq kitābeñ kyuuñ likkhā karte haiñ?

    'furqat' maañ ne shauhar ke marne par kitnā kohrām machāyā thā

    lekin iddat ke din puure hone se ik hafta pahle

    'nīlam' ke māmūñ ke saath badaun pahuñchī thī

    bī-bī sehnak koñDe fātiha-ḳhvānī

    jañg-e-siffīn, jamal aur badar ke qissoñ

    sīrat-e-nabvī tark-e-duniyā aur maulvī-sāhab ke halve māñDe meñ kyā rishta hai?

    din to uḌ jaate haiñ

    ye sab kaale par vaale bagule haiñ

    jo hañste khelte lamhoñ ko

    apne pañkhoñ meñ muuñd ke āñkhoñ se ojhal ho jaate haiñ

    rāhat jaise ḳhvāb hai aise insānoñ

    jin ummīdoñ ke dāman meñ paivand lage haiñ

    jaama ek taraf siite haiñ dūsrī jānib phaT jaatā hai

    ye duniyā lamha lamha jiitī hai

    'maryam' ab kapḌe setī hai

    āñkhoñ bīnā.ī saath nahīñ detī ab

    aur 'ġhazanfar'

    jo rūmāl meñ laDDū bāñdh ke us ke ghar meñ pheñkā kartā thā

    aur us āñkhoñ tausīf meñ ġhazleñ likhvā kar laayā kartā thā

    us ne aur kahīñ shādī kar hai

    ab apnī lakḌī Taal pe baiThā

    apnī kaj-rā.ī aur javānī ke qisse dohrāyā kartā hai

    Taal se uTh kar jab ghar meñ aatā hai

    beTī par qadġhan rakhtā hai

    na.e zamāne aulād ab vaisī nahīñ rah ga.ī

    badkārī baḌhtī jaatī hai

    jo din biit ga.e kitne achchhe the!

    bargad ke nīche baiTho suulī chaḌh jaao

    bhaiñse laḌne se baaz nahīñ ā.eñge

    maut se ham ne ek ta.āvun kar rakkhā hai

    saḌkoñ par se har lamha ik mayyat jaatī hai

    pas-manzar meñ kyā hotā hai nazar kahāñ jaatī hai

    sāmne jo kuchh hai rañgoñ āvāzoñ chehroñ melā hai!

    gurgal uḌ kar vo pilkhan par baiThī

    pīpal meñ tote ne bachche de rakhe haiñ

    guldum jo pakḌī thī kal be-chārī mar ga.ī

    'najma' ke bele meñ kitnī kaliyāñ aa.eñ haiñ

    phūloñ ḳhushbū se kyā kyā yaad aatā hai

    ye jab qissa hai saḌkoñ par na.ī na.ī bijlī aa.ī thī

    aur mujhe siine meñ dil hone ehsās huā thā

    iid ke din ham ne laTThe shalvāreñ silvā.ī thiiñ

    aur sivayyoñ zarda ham-sā.e meñ bhejvāyā thā

    sab nīche baiThak meñ baiThe the

    maiñ uupar ke kamre meñ baiThā

    khiḌkī se 'zainab' ke ghar meñ phūloñ ke guchchhe pheñk rahā thā

    kal 'zainab' ghar nīlām ho rahā hai

    sarkārī tahvīl meñ thā ik muddat se

    shāyad patjhaḌ mausam aa pahuñchā

    pattoñ ke girne āvāz musalsal aatī hai

    chechak Tiika bīmārī ko roke rakhtā hai

    zabt-e-taulīd isqāt vaġhaira

    insānī ābādī ko baḌhne se rokeñgi

    bandar ne jab se do Tāñgoñ par chalnā sīkhā

    us ke zehn ne harkat meñ aanā sīkhā hai

    pattoñ ke girne āvāz musalsal aatī hai

    saḌkoñ par roz na.e chehre milte haiñ

    maut se ham ne ek ta.āvun kar rakkhā hai

    pas-manzar meñ nazar kahāñ jaatī hai

    phūloñ ḳhushbū se kyā kyā yaad aatā hai

    chauk meñ jis din phuul paḌe saḌte the

    ḳhūnī darvāze par shahzādoñ phāñsī elaan huā thā

    ye duniyā lamha lamha jiitī hai

    dillī galiyāñ vaisī ābād shaad haiñ sab

    din to kaale par vaale bagule haiñ

    jo sab lamhoñ ko

    apne pañkhoñ meñ muuñd ke āñkhoñ se ojhal ho jaate haiñ

    chāroñ jānib rañg rañg ke jhanDe uḌte haiñ

    sab jeboñ meñ insānoñ ke dukh-dard darmāñ

    ḳhushiyoñ nusḳha bañdhā paḌā hai

    lekin aisā kyuuñ hai

    jab nusḳha khultā hai

    1857 jaatā hai

    1947 aa jaatā hai

    jab din Dhal jata hai, suraj dharti ki oT mein ho jata hai

    aur bhiDon ke chhatte jaisi bhin-bhin

    bazaron ki garmi, afra-tafri

    motor, bas, barqi railon ka hangama tham jata hai

    chae-KHanon nach-gharon se kam-sin laDke

    apne ham-sin mashuqon ko

    jin ki jinsi KHwahish waqt se pahle jag uThi hai

    le kar ja chukte hain

    baDhti phailti unchi himala jaisi tamiron par KHamoshi chha jati hai

    theater tafrih-gahon mein tale paD jate hain

    aur ba-zahir duniya so jati hai

    main apne kamre mein baiTha socha karta hun

    kutton ki dum TeDhi kyun hoti hai

    ye chitkabri duniya jis ka koi bhi kirdar nahin hai

    koi falsafa koi painda aqdar nahin, mear nahin hai

    is par ahl-e-danish widwan, falsafi

    moTi moTi adaq kitaben kyun likkha karte hain?

    'furqat' ki man ne shauhar ke marne par kitna kohram machaya tha

    lekin iddat ke din pure hone se ek hafta pahle

    'nilam' ke mamun ke sath badaun ja pahunchi thi

    bi-bi ki sehnak konDe fatiha-KHwani

    jang-e-siffin, jamal aur badar ke qisson

    sirat-e-nabwi tark-e-duniya aur maulwi-sahab ke halwe manDe mein kya rishta hai?

    din to uD jate hain

    ye sab kale par wale bagule hain

    jo hanste khelte lamhon ko

    apne pankhon mein mund ke aankhon se ojhal ho jate hain

    rahat jaise KHwab hai aise insanon ka

    jin ki ummidon ke daman mein paiwand lage hain

    jama ek taraf site hain dusri jaanib phaT jata hai

    ye duniya lamha lamha jiti hai

    'maryam' ab kapDe seti hai

    aankhon ki binai sath nahin deti ab

    aur 'ghazanfar'

    jo rumal mein laDDu bandh ke us ke ghar mein phenka karta tha

    aur us ki aankhon ki tausif mein ghazlen likhwa kar laya karta tha

    us ne aur kahin shadi kar li hai

    ab apni lakDi ki Tal pe baiTha

    apni kaj-rai aur jawani ke qisse dohraya karta hai

    Tal se uTh kar jab ghar mein aata hai

    beTi par qadghan rakhta hai

    nae zamane ki aulad ab waisi nahin rah gai

    badkari baDhti jati hai

    jo din bit gae kitne achchhe the!

    bargad ke niche baiTho ya suli chaDh jao

    bhainse laDne se baz nahin aaenge

    maut se hum ne ek taawun kar rakkha hai

    saDkon par se har lamha ek mayyat jati hai

    pas-manzar mein kya hota hai nazar kahan jati hai

    samne jo kuchh hai rangon aawazon chehron ka mela hai!

    gurgal uD kar wo pilkhan par ja baiThi

    pipal mein tote ne bachche de rakhe hain

    guldum jo pakDi thi kal be-chaari mar gai

    'najma' ke bele mein kitni kaliyan aaen hain

    phulon ki KHushbu se kya kya yaad aata hai

    ye jab ka qissa hai saDkon par nai nai bijli aai thi

    aur mujhe sine mein dil hone ka ehsas hua tha

    id ke din hum ne laTThe ki shalwaren silwai thin

    aur siwayyon ka zarda ham-sae mein bhejwaya tha

    sab niche baiThak mein baiThe the

    main upar ke kamre mein baiTha

    khiDki se 'zainab' ke ghar mein phulon ke guchchhe phenk raha tha

    kal 'zainab' ka ghar nilam ho raha hai

    sarkari tahwil mein tha ek muddat se

    shayad patjhaD ka mausam aa pahuncha

    patton ke girne ki aawaz musalsal aati hai

    chechak ka Tika bimari ko roke rakhta hai

    zabt-e-taulid isqat waghaira

    insani aabaadi ko baDhne se rokengi

    bandar ne jab se do Tangon par chalna sikha

    us ke zehn ne harkat mein aana sikha hai

    patton ke girne ki aawaz musalsal aati hai

    saDkon par roz nae chehre milte hain

    maut se hum ne ek taawun kar rakkha hai

    pas-manzar mein nazar kahan jati hai

    phulon ki KHushbu se kya kya yaad aata hai

    chauk mein jis din phul paDe saDte the

    KHuni darwaze par shahzadon ki phansi ka elan hua tha

    ye duniya lamha lamha jiti hai

    dilli ki galiyan waisi hi aabaad shad hain sab

    din to kale par wale bagule hain

    jo sab lamhon ko

    apne pankhon mein mund ke aankhon se ojhal ho jate hain

    chaaron jaanib rang rang ke jhanDe uDte hain

    sab ki jebon mein insanon ke dukh-dard ka darman

    KHushiyon ka nusKHa bandha paDa hai

    lekin aisa kyun hai

    jab nusKHa khulta hai

    1857 jata hai

    1947 aa jata hai

    Videos
    This video is playing from YouTube

    Videos
    This video is playing from YouTube

    Akhtarul Iman

    Akhtarul Iman

    RECITATIONS

    Akhtarul Iman

    Akhtarul Iman,

    Akhtarul Iman

    kale safed paron wala parinda aur meri ek sham Akhtarul Iman

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now