parwin club se aati hai

ab mammy daddy kahte haiñ cultured hamārī beTī hai

pahlī bhī club meñ jaatī thī ye third hamārī beTī hai

saḌkoñ pe ye uḌtī phirtī hai ik bird hamārī beTī hai

maz.hab kī purānī rasmoñ se injured hamārī beTī hai

bāhar ye chāhe jaisī ho ghar meñ to adab se aatī hai

jab aadhī raat guzar jaa.e parvīn club se aatī hai

din bhar ye ghar meñ sotī hai saḌkoñ pe shaam se bhāgtī hai

āzād tabī.at aisī hai shādī ke naam se bhāgtī hai

roza o namāz kī qaa.il hai sajda o qayām se bhāgtī hai

islām-alī kī beTī hai lekin islām se bhāgtī hai

parfum dubai se aatā hai tasbīh arab se aatī hai

jab aadhī raat guzar jaa.e parvīn club se aatī hai

ye pal meñ toffē hotī hai pal meñ sābun ho jaatī hai

kuchh aql se jab us kā rabt nahīñ hai vo nāḳhun ho jaatī hai

phir mashriq ke sāzoñ par maġhrib kī dhan ho jaatī hai

jab boy-friends pilā dete haiñ fauran Tun ho jaatī hai

jab us ko nashsha chaḌhtā hai ghar meñ ye ġhazab sī aatī hai

jab aadhī raat guzar jaa.e parvīn club se aatī hai

yā america meñ bastī hai yā phir jāpān meñ rahtī hai

ye ḳhvāboñ kī shahzādī hai har vaqt uḌaan meñ rahtī hai

parda o hijāb se kyā matlab ye apne dhyān meñ rahtī hai

ye swimming-pōl se bāhar bhī nekar banyān meñ rahtī hai

ik hashr bapā hotā hai jab paanī ke tub se aatī hai

jab aadhī raat guzar jaa.e parvīn club se aatī hai

parvīn ke ġhusl kā laḌke bhī chhup chhup ke nazāra karte haiñ

vo swimming pool ke sat.h-e-āb pe kañkar maarā karte haiñ

phir mammy daddy tāvīzoñ se us ko dhārā karte haiñ

''jab kashtī Dūbne lagtī hai to bojh utārā karte haiñ''

sab apnī mohabbat vāpas lo āvāz ye rab se aatī hai

jab aadhī raat guzar jaa.e parvīn club se aatī hai

ab mammy daddy kahte hain cultured hamari beTi hai

pahli bhi club mein jati thi ye third hamari beTi hai

saDkon pe ye uDti phirti hai ek bird hamari beTi hai

mazhab ki purani rasmon se injured hamari beTi hai

bahar ye chahe jaisi ho ghar mein to adab se aati hai

jab aadhi raat guzar jae parwin club se aati hai

din bhar ye ghar mein soti hai saDkon pe sham se bhagti hai

aazad tabiat aisi hai shadi ke nam se bhagti hai

roza o namaz ki qail hai sajda o qayam se bhagti hai

islam-ali ki beTi hai lekin islam se bhagti hai

parfum dubai se aata hai tasbih arab se aati hai

jab aadhi raat guzar jae parwin club se aati hai

ye pal mein toffee hoti hai pal mein sabun ho jati hai

kuchh aql se jab us ka rabt nahin hai wo naKHun ho jati hai

phir mashriq ke sazon par maghrib ki dhan ho jati hai

jab boy-friends pila dete hain fauran Tun ho jati hai

jab us ko nashsha chaDhta hai ghar mein ye ghazab si aati hai

jab aadhi raat guzar jae parwin club se aati hai

ya america mein basti hai ya phir japan mein rahti hai

ye KHwabon ki shahzadi hai har waqt uDan mein rahti hai

parda o hijab se kya matlab ye apne dhyan mein rahti hai

ye swimming-pool se bahar bhi nekar banyan mein rahti hai

ek hashr bapa hota hai jab pani ke tub se aati hai

jab aadhi raat guzar jae parwin club se aati hai

parwin ke ghusl ka laDke bhi chhup chhup ke nazara karte hain

wo swimming pool ke sath-e-ab pe kankar mara karte hain

phir mammy daddy tawizon se us ko dhaara karte hain

jab kashti Dubne lagti hai to bojh utara karte hain

sab apni mohabbat wapas lo aawaz ye rab se aati hai

jab aadhi raat guzar jae parwin club se aati hai