pas-e-KHayal

koī ḳhvāb thā yā ḳhayāl thā

vo dil-o-nazar kā malāl thā

the usī ke dam se ye fāsle

vahī qurb-e-jāñ se nihāl thā

vahī zau-fishāñ thā suḳhan suḳhan

vahī fikr-o-fan kā kamāl thā

thiiñ usī ke naam bulandiyāñ

vahī aap apnī misāl thā

vo shuā-e-mehr-e-yaqīñ banā

vahī iztirāb-e-zamīñ banā

mere sar pe sāya-fagan huā

vahī e.atibār kā diiñ banā

mire vāste mire naam par

vahī raushnī kī jabīñ banā

jise likh sakūñ maiñ havāoñ par

vo ġhazal kā soz-e-mubīñ banā

thā vo abr-e-bārāñ hayāt kā

vo mah-e-daraḳhshāñ hayāt kā

vo milā to aisā lagā mujhe

ki vahī hai unvāñ hayāt kā

mirī ārzūoñ kā silsila

thā vahī to sāmāñ hayāt kā

huī ruuh zinda vajūd kī

huā jism tābāñ hayāt kā

magar ab jo bikhrī sadāqateñ

banī ḳhvāb saarī haqīqateñ

koī naqsh-e-yās bujhā huā

kahīñ sarfarāz rivāyateñ

mirā e.atibār na chhū sakā

tire iltifāt kī rāhateñ

jo mire yaqīñ kā libās thiiñ

huiiñ be-hisār vo lazzateñ

vo gayā to aisā gayā ki phir

na palaT ke aaya mirī taraf

na hī us ne sochā kabhī mujhe

na hī sar jhukāyā mirī taraf

vo latīf jhoñkā bahār kā

jo na dekh paayā mirī taraf

mire dil ke armāñ bikhar ga.e

vo kabhī to aatā mirī taraf

ye gumāñ hī merā yaqīñ hai

ki kahīñ bhī ruuh kā ghar nahīñ

mire roz-o-shab ke dayār meñ

kahīñ raushnī kā guzar nahīñ

hai udaas chāñd bujhā bujhā

koī harf harf guhar nahīñ

use apnā maiñ ne samajh liyā

vo jahāñ meñ apnā magar nahīñ

koi KHwab tha ya KHayal tha

wo dil-o-nazar ka malal tha

the usi ke dam se ye fasle

wahi qurb-e-jaan se nihaal tha

wahi zau-fishan tha suKHan suKHan

wahi fikr-o-fan ka kamal tha

thin usi ke nam bulandiyan

wahi aap apni misal tha

wo shua-e-mehr-e-yaqin bana

wahi iztirab-e-zamin bana

mere sar pe saya-fagan hua

wahi eatibar ka din bana

mere waste mere nam par

wahi raushni ki jabin bana

jise likh sakun main hawaon par

wo ghazal ka soz-e-mubin bana

tha wo abr-e-baran hayat ka

wo mah-e-daraKHshan hayat ka

wo mila to aisa laga mujhe

ki wahi hai unwan hayat ka

meri aarzuon ka silsila

tha wahi to saman hayat ka

hui ruh zinda wajud ki

hua jism taban hayat ka

magar ab jo bikhri sadaqaten

bani KHwab sari haqiqaten

koi naqsh-e-yas bujha hua

kahin sarfaraaz riwayaten

mera eatibar na chhu saka

tere iltifat ki rahaten

jo mere yaqin ka libas thin

huin be-hisar wo lazzaten

wo gaya to aisa gaya ki phir

na palaT ke aaya meri taraf

na hi us ne socha kabhi mujhe

na hi sar jhukaya meri taraf

wo latif jhonka bahaar ka

jo na dekh paya meri taraf

mere dil ke arman bikhar gae

wo kabhi to aata meri taraf

ye guman hi mera yaqin hai

ki kahin bhi ruh ka ghar nahin

mere roz-o-shab ke dayar mein

kahin raushni ka guzar nahin

hai udas chand bujha bujha

koi harf harf guhar nahin

use apna main ne samajh liya

wo jahan mein apna magar nahin