pas-e-nawisht

ḳhudāvand mujhe taufīq de maiñ aise zinda lafz likkhūñ

jo na likkhūñ maiñ to duniyā bāñjh ho jaa.e

magar phir sochtā huuñ itne zinda lafz likkhe jā chuke haiñ

aur likhe jā rahe haiñ

maiñ bhī likh lūñgā to kyā ho jā.egā

kyā ye purānā aadmī phir se nayā ho jā.egā

yā dūsrā ho jā.egā

KHudawand mujhe taufiq de main aise zinda lafz likkhun

jo na likkhun main to duniya banjh ho jae

magar phir sochta hun itne zinda lafz likkhe ja chuke hain

aur likhe ja rahe hain

main bhi likh lunga to kya ho jaega

kya ye purana aadmi phir se naya ho jaega

ya dusra ho jaega