pas-manzar

kis kī yaad chamak uTThī hai dhuñdle ḳhāke hue ujāgar

yūñhī chand purānī qabreñ khod rahā huuñ tanhā baiThā

kahīñ kisī kā maas na haDDī kahīñ kisī kā ruup na chhāyā

kuchh katboñ par dhuñdle dhuñdle naam khude haiñ maiñ jīvan-bhar

in katboñ in qabroñ hī ko apne man kā bhed banā kar

mustaqbil aur haal ko choḌe, dukh sukh sab meñ liye phirā huuñ

maazī kī ghanghor ghaTā meñ chupkā baiThā soch rahā huuñ

kis kī yaad chamak uTThī hai, dhuñdle ḳhāke hue ujāgar?

baiThā qabreñ khod rahā huuñ, huuk sī ban kar ek ik mūrat

dard sā ban kar ek ik sāyā, jaag rahe haiñ duur kahīñ se

āvāzeñ sī kuchh aatī haiñ, ''guzre the ik baar yahīñ se''

hairat ban kar dekh rahī hai, har jānī-pahchānī sūrat

goyā jhuuT haiñ ye āvāzeñ, koī mel na thā in sab se

jin kā pyaar kisī ke dil meñ apne ghaao chhoḌ gayā hai

jin kā pyaar kisī ke dil se saare rishte toḌ gayā hai

aur vo pāgal in rishtoñ ko baiThā joḌ rahā hai kab se!

kis ki yaad chamak uTThi hai dhundle KHake hue ujagar

yunhi chand purani qabren khod raha hun tanha baiTha

kahin kisi ka mas na haDDi kahin kisi ka rup na chhaya

kuchh katbon par dhundle dhundle nam khude hain main jiwan-bhar

in katbon in qabron hi ko apne man ka bhed bana kar

mustaqbil aur haal ko choDe, dukh sukh sab mein liye phira hun

mazi ki ghanghor ghaTa mein chupka baiTha soch raha hun

kis ki yaad chamak uTThi hai, dhundle KHake hue ujagar?

baiTha qabren khod raha hun, huk si ban kar ek ek murat

dard sa ban kar ek ek saya, jag rahe hain dur kahin se

aawazen si kuchh aati hain, guzre the ek bar yahin se

hairat ban kar dekh rahi hai, har jaani-pahchani surat

goya jhuT hain ye aawazen, koi mel na tha in sab se

jin ka pyar kisi ke dil mein apne ghao chhoD gaya hai

jin ka pyar kisi ke dil se sare rishte toD gaya hai

aur wo pagal in rishton ko baiTha joD raha hai kab se!