pashemani

vo kahtī hai mirā phir se yaqīñ kar lo

zamāna dekh aa.ī huuñ

tire jaisā nahīñ miltā

maiñ kahtā huuñ

zamīñ banjar jo ho jaa.e

karo tum laakh sairābī

vahāñ par kuchh nahīñ khiltā

pyaar ik baar hotā hai

faqat ik baar hotā hai

agar tum chhoḌ jaao to

dobāra lauT aao to

na pahlī baat rahtī hai

na phir vo zaat rahtī hai

suno jānāñ

maiñ tum ko dekhtā to huuñ

dikhā.ī kuchh nahīñ detā

maiñ tum ko sochtā bhī huuñ

sujhā.ī kuchh nahīñ detā

bahut kuchh boltī ho ab

sunā.ī kuchh nahīñ detā

kisī ko chhoḌ jaane se

kisī kā dil dukhāne se

kabhī mahsūs tum kar lo

azāb-e-jāñ hai pal pal vo

sukūñ ik pal nahīñ miltā

judā.ī zaḳhm aisā hai

jo rūh-e-dil pe lag jaa.e

maiñ kaise tum ko samjhā.ūñ

nahīñ siltā nahīñ siltā nahīñ siltā

vo kahtī hai mirā phir se yaqīñ kar lo

zamāna dekh aa.ī huuñ tire jaisā nahīñ miltā

wo kahti hai mera phir se yaqin kar lo

zamana dekh aai hun

tere jaisa nahin milta

main kahta hun

zamin banjar jo ho jae

karo tum lakh sairabi

wahan par kuchh nahin khilta

pyar ek bar hota hai

faqat ek bar hota hai

agar tum chhoD jao to

dobara lauT aao to

na pahli baat rahti hai

na phir wo zat rahti hai

suno jaanan

main tum ko dekhta to hun

dikhai kuchh nahin deta

main tum ko sochta bhi hun

sujhai kuchh nahin deta

bahut kuchh bolti ho ab

sunai kuchh nahin deta

kisi ko chhoD jaane se

kisi ka dil dukhane se

kabhi mahsus tum kar lo

azab-e-jaan hai pal pal wo

sukun ek pal nahin milta

judai zaKHm aisa hai

jo ruh-e-dil pe lag jae

main kaise tum ko samjhaun

nahin silta nahin silta nahin silta

wo kahti hai mera phir se yaqin kar lo

zamana dekh aai hun tere jaisa nahin milta