patthar jab miTTi ban jae

maiñ jab Tharrā pī kar bahkūñ

apne aap se bāhar niklūñ

tum jab shauhar se uktāo

apne aap meñ vāpas jaao

qismat ko koso bahlāo

maañ banñe kā Dhoñg rachāo

apne andar kī

bhūkī mamtā

bāhar ke bachchoñ meñ bāñTo

takiya bhīñche

nangī chhat par so jaao

maiñ be-qābū apnī chhat se

tumhārī nangī chhat par kūdūñ

chāñdnī chāñdnī tum ko chūmūñ

miTTī miTTī tum ko gūñdhūñ

niiñd bharī āñkhoñ se jāgūñ

aur tumhārā shauhar nīche kamre meñ

adh-nangī tasvīroñ se lipTe siske

rūmānī ash'ār likhe kaaTe

mustaqbil muTThī meñ bhīñche

maazī ke tārīk siyah-ḳhānoñ meñ gum ho jaa.e

nīm-jān sā bistar par paḌ jaa.e

ham miTTī kī mūrat phir kis ke ḳhauf se kāñpeñge

patthar jab miTTī ban jaa.e

main jab Tharra pi kar bahkun

apne aap se bahar niklun

tum jab shauhar se uktao

apne aap mein wapas jao

qismat ko koso bahlao

man banne ka Dhong rachao

apne andar ki

bhuki mamta

bahar ke bachchon mein banTo

takiya bhinche

nangi chhat par so jao

main be-qabu apni chhat se

tumhaari nangi chhat par kudun

chandni chandni tum ko chumun

miTTi miTTi tum ko gundhun

nind bhari aankhon se jagun

aur tumhaara shauhar niche kamre mein

adh-nangi taswiron se lipTe siske

rumani ash'ar likhe kaTe

mustaqbil muTThi mein bhinche

mazi ke tarik siyah-KHanon mein gum ho jae

nim-jaan sa bistar par paD jae

hum miTTi ki murat phir kis ke KHauf se kanpenge

patthar jab miTTi ban jae