patton pe likha nauha

agar ḳhaak par ḳhema-e-gul lage

to use yaad karnā

agar shab ke pichhle pahar ek raushan sitāra shān-e-safar ho

to ḳhud apne hone kā ehsās jaage

zamīñ aañkh khole

to phir vo kahānī sune

jis ko sunte hue pichhlī shab us ko niiñd aa ga.ī thī

dhueñ aur kaa.ī kā ham-rang mausam

purāne libāde utāre

hare ḳhvāb pahne

to ye dard kī ḳhastagī ham-nashīnī kī lazzat se sarshār ho

ghane jañgaloñ se agar koī jhoñkā

guzarte hue jholiyāñ bhar ke patte luTā.e

agar kishvar-e-ḳhvāb par koī shab-ḳhūn maare

use yaad karnā

use yaad rakhnā

agar KHak par KHema-e-gul lage

to use yaad karna

agar shab ke pichhle pahar ek raushan sitara shan-e-safar ho

to KHud apne hone ka ehsas jage

zamin aankh khole

to phir wo kahani sune

jis ko sunte hue pichhli shab us ko nind aa gai thi

dhuen aur kai ka ham-rang mausam

purane libaade utare

hare KHwab pahne

to ye dard ki KHastagi ham-nashini ki lazzat se sarshaar ho

ghane jangalon se agar koi jhonka

guzarte hue jholiyan bhar ke patte luTae

agar kishwar-e-KHwab par koi shab-KHun mare

use yaad karna

use yaad rakhna