payam-e-hasti

tabassum kī havas ho barq ke āsār paidā kar

jo gar ye aarzū ho chashm-e-dariyā-bār paidā kar

maraz hī kyā mudāvā jis kā āsāñ ho tabīboñ par

na pahchāne masīhā jis ko vo āzār paidā kar

tujhe ai dil adū ko ho agar chubhtī huī kahnā

to har har harf meñ tezī-e-nok-e-ḳhār paidā kar

agar is majlis-getī meñ auroñ ko rulātā hai

dil-e-dard-āshnā-o-dīda-e-ḳhūñ-bār paidā kar

tujhe ye himmat-e-mardāna kahtī hai ki aisā dil

jo qabl az-maut hī marne pe ho tayyār paidā kar

tanāza-lil-baqā jaarī hai to maidān-e-hastī meñ

na ho jis kī sipar aisī koī talvār paidā kar

baqā-e-aqviyā ke mas.ala par bahas se pahle

tan-e-sohrāb-o-zor-e-haidar-e-karrār paidā kar

jo is aalam meñ chalnā hai tujhe hukm-e-a.iddū par

to istedād-e-dafa.a-e-hamla-e-aġhyār paidā kar

agar manzūr hai tujh ko mile aalam kī chaupānī

to apne paañv meñ phir gardish-e-parkār paidā kar

agar hai chūknā manzūr qurāñ kī tilāvat se

barā-e-zaḳhm-e-ġhaflat marham-e-zangār paidā kar

agar terī tamanna hai ki shāyān-e-ḳhilāfat ho

to shauq-e-bandagī-e-vāhid-e-qahhār paidā kar

tabassum ki hawas ho barq ke aasar paida kar

jo gar ye aarzu ho chashm-e-dariya-bar paida kar

maraz hi kya mudawa jis ka aasan ho tabibon par

na pahchane masiha jis ko wo aazar paida kar

tujhe ai dil adu ko ho agar chubhti hui kahna

to har har harf mein tezi-e-nok-e-KHar paida kar

agar is majlis-geti mein auron ko rulata hai

dil-e-dard-ashna-o-dida-e-KHun-bar paida kar

tujhe ye himmat-e-mardana kahti hai ki aisa dil

jo qabl az-maut hi marne pe ho tayyar paida kar

tanaza-lil-baqa jari hai to maidan-e-hasti mein

na ho jis ki sipar aisi koi talwar paida kar

baqa-e-aqwiya ke masala par bahas se pahle

tan-e-sohrab-o-zor-e-haidar-e-karrar paida kar

jo is aalam mein chalna hai tujhe hukm-e-aiddu par

to istedad-e-dafa-e-hamla-e-aghyar paida kar

agar manzur hai tujh ko mile aalam ki chaupani

to apne panw mein phir gardish-e-parkar paida kar

agar hai chukna manzur quran ki tilawat se

bara-e-zaKHm-e-ghaflat marham-e-zangar paida kar

agar teri tamanna hai ki shayan-e-KHilafat ho

to shauq-e-bandagi-e-wahid-e-qahhaar paida kar