peD kaToge

bhiiḌ se ye kahā tathāgat ne

peḌ kāTo.ge kyā milegā tumheñ

sirf lakḌī jalāne kī ḳhātir

jhaaḌ jhankāḌ murda pattoñ kā

koñpleñ pattiyāñ ghanī shāḳheñ

chāroñ jānib zamīñ pe bikhrī huiiñ

ghoñsle bikhre TūTe-phūTe hue

un parindoñ ke jo haiñ ab be-ghar

peḌ kāTo.ge kyā gañvāoge

chhāñv jo dhuup kī tamāzat meñ

ek chādar kī tarh bichhtī thī

garmiyoñ kī bharī do-pahrī meñ

leT kar jis pe dekhte the tum

saiñkaḌoñ chhatriyoñ sī jaise tanī

peḌ kī sabz shāḳhoñ kā ḳhema

garm lū se najāt paate the

peḌ kaTne se ye chhatar-chhāyā

ab kahāñ hai batāo logo mujhe

phal jo har āte-jāte mausam meñ

saare gaañv ke kaam aate the

aam injīr ber jāmun seb

nāriyal sañgtara anaar khajūr

be-dhiyānī meñ sab gañvā baiThe

bhiiḌ se ye kahā tathāgat ne

peḌ bhaa.ī haiñ dost sāthī haiñ

in ko mat kaaTo in se pyaar karo

bhiD se ye kaha tathagat ne

peD kaToge kya milega tumhein

sirf lakDi jalane ki KHatir

jhaD jhankaD murda patton ka

konplen pattiyan ghani shaKHen

chaaron jaanib zamin pe bikhri huin

ghonsle bikhre TuTe-phuTe hue

un parindon ke jo hain ab be-ghar

peD kaToge kya ganwaoge

chhanw jo dhup ki tamazat mein

ek chadar ki tarh bichhti thi

garmiyon ki bhari do-pahri mein

leT kar jis pe dekhte the tum

sainkaDon chhatriyon si jaise tani

peD ki sabz shaKHon ka KHema

garm lu se najat pate the

peD kaTne se ye chhatar-chhaya

ab kahan hai batao logo mujhe

phal jo har aate-jate mausam mein

sare ganw ke kaam aate the

aam injir ber jamun seb

nariyal sangtara anar khajur

be-dhiyani mein sab ganwa baiThe

bhiD se ye kaha tathagat ne

peD bhai hain dost sathi hain

in ko mat kaTo in se pyar karo