aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gandhi

MORE BYSahir Hoshiyarpuri

    ek faqīr

    ek insāñ paikar-e-iḳhlās rūh-e-rāstī

    ik faqīr-e-be-navā īsār jis zindagī

    jis ke har qaul-o-amal meñ amn paiġhām thā

    jis har iqdām goyā āfiyat-anjām thā

    jis duniyā bandagī bhagTī surūr-e-jāvedāñ

    jis duniyā kaif-o-sarmastī hāsil be-gumāñ

    āshtī thī jis fitrat jis maz.hab pyaar thā

    ḳhidmat-e-insāniyat jo alam-bardār thā

    azm ne jis ke har ik mushkil ko āsāñ kar diyā

    jazba-e-ehsās-e-ḳhuddārī bashar meñ bhar diyā

    naaz uThā.e hind ke vo hind ġham-ḳhvār thā

    kārvān-e-hurriyat rahbar-o-sālār thā

    ye bhī hai mojiz-bayānī us har tahrīr

    naqsh-e-farsūda se paidā ik na.ī tasvīr

    ḳhaak se sho.ale uThe aur āsmāñ par chhā ga.e

    māh-o-anjum ban ga.e kaun-o-makāñ par chhā ga.e

    tīrgī bhāgī jahālat fazā chhuTne lagī

    haule haule tīra-o-tārīk shab kaTne lagī

    har taraf kaif-o-masarrat har taraf nūr-o-surūr

    ġhunche ġhunche par tabassum chashm-e-nargis par ġhurūr

    ye fusūñ-kārī huī jis ke sabab vo kaun thā

    ye junūñ-kārī huī jis ke sabab vo kaun thā

    naam thā gāñdhī magar us ke hazāroñ naam haiñ

    ek mai-ḳhāna hai jis meñ har tarah ke jaam haiñ

    ek faqir

    ek insan paikar-e-iKHlas ruh-e-rasti

    ek faqir-e-be-nawa isar jis ki zindagi

    jis ke har qaul-o-amal mein amn ka paigham tha

    jis ka har iqdam goya aafiyat-anjam tha

    jis ki duniya bandagi bhagTi surur-e-jawedan

    jis ki duniya kaif-o-sarmasti ki hasil be-guman

    aashti thi jis ki fitrat jis ka mazhab pyar tha

    KHidmat-e-insaniyat ka jo alam-bardar tha

    azm ne jis ke har ek mushkil ko aasan kar diya

    jazba-e-ehsas-e-KHuddari bashar mein bhar diya

    naz uThae hind ke wo hind ka gham-KHwar tha

    karwan-e-hurriyat ka rahbar-o-salar tha

    ye bhi hai mojiz-bayani us ki har tahrir ki

    naqsh-e-farsuda se paida ek nai taswir ki

    KHak se shoale uThe aur aasman par chha gae

    mah-o-anjum ban gae kaun-o-makan par chha gae

    tirgi bhagi jahaalat ki faza chhuTne lagi

    haule haule tira-o-tarik shab kaTne lagi

    har taraf kaif-o-masarrat har taraf nur-o-surur

    ghunche ghunche par tabassum chashm-e-nargis par ghurur

    ye fusun-kari hui jis ke sabab wo kaun tha

    ye junun-kari hui jis ke sabab wo kaun tha

    nam tha gandhi magar us ke hazaron nam hain

    ek mai-KHana hai jis mein har tarah ke jam hain

    Source:

    Sehr-e-Khayal (Pg. 50)

    • Author: Sahir Hoshiarpuri
      • Edition: 1990
      • Publisher: Modern Publishing House
      • Year of Publication: 1990

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now