peshawar ki sair

har ek dilrubā milā

har ek bā-vafā milā

jise thā pās-e-dostī

vahī uThā baḌhā milā

nashist jis kī duur thī

qarīb aa gayā milā

peshawar aane kā mujhe

sahī jo lutf thā milā

hañsī milī ḳhushī milī

ḳhudī milī ḳhudā milā

raqīb thā khichā khichā

habīb thā ghulā milā

nazar nazar adā adā

maiñ dekhtā chalā gayā

guloñ meñ zindagī milī

chaman meñ dilkashī milī

ḳhushī gale lagī milī

milī hañsī ḳhushī milī

chaman chaman ravish ravish

bahār husn kī milī

kahīñ banāvaTeñ milīñ

kahīñ pe sādgī milī

kahīñ pe zulmateñ milīñ

kahīñ pe raushnī milī

nazar kisī nigāh se

kabhī haTī kabhī milī

na thā koī jo Toktā

maiñ dekhtā chalā gayā

har ek samt ḳhaan haiñ

shakīl haiñ javān haiñ

na nuun haiñ na naan haiñ

ye sab ke sab paThān haiñ

jihād in kī shaan hai

jihād kī ye shaan haiñ

ye ġhāziyoñ ke haiñ pisar

mujāhidoñ kī jaan haiñ

ye sab ḳhudā-parast haiñ

ḳhudī ke tarjumān haiñ

baḌī baḌī haveliyāñ

baḌe baḌe nishān haiñ

nazāra-hā-e-dilrubā

maiñ dekhtā chalā gayā

'ajīb chiiz hai yahāñ

hasīn raat kā samāñ

nigāh jis taraf karo

chamak rahī haiñ bijliyāñ

hasīn log chār-sū

saḌak pe haiñ ravāñ-davāñ

'imāratoñ ke sāmne

jhukā huā hai āsmāñ

ki dekhne kī chiiz haiñ

idhar udhar yahāñ vahāñ

secretariyoñ kī moTareñ

kamishnaroñ kī koThiyāñ

bahār thī nikhār thā

maiñ dekhtā chalā gayā

ye ḳhush-libās laḌkiyāñ

hasīñ hasīñ javāñ javāñ

husūl-e-‘ilm ke liye

qadam qadam ravāñ-davāñ

ḳhushī se dil mahak uThe

nazar paḌī jahāñ-jahāñ

khulī huī kitāb meñ

sharāfatoñ kī dāstāñ

haqīqateñ simaT ga.iiñ

Thahar ke dam liyā jahāñ

sharāb kī misāl haiñ

shabāb kī ye surḳhiyāñ

ye inqalāb kī adā

maiñ dekhtā chalā gayā

hakīm bhī haiñ piir bhī

amiir bhī kabīr bhī

assembly meñ jalva-gar

baḌe baḌe vazīr bhī

ki jin ke voTaroñ meñ haiñ

aqiil bhī kasīr bhī

unhīñ ke dam se aaj hai

ye shahr-e-be-nazīr bhī

hamāre leaderoñ meñ haiñ

shahīr bhī basīr bhī

muqīm is maqām par

haiñ ek do safīr bhī

yūñhī bas ittifāq thā

maiñ dekhtā chalā gayā

ġharīb log bā-vafā

amīn-e-ġhairat-o-hayā

dhanī haiñ apnī baat ke

nahīñ hai ḳhauf jaan kā

masarratoñ kī baat kar

musībatoñ kā zikr kyā

kabhī jo vaqt aa paḌā

burā bhalā guzar gayā

dahī qadīm baat hai

na kuchh ghaTā na kuchh baḌhā

ki shukr jin kī shaan hai

shikāyatoñ se un ko kyā

phaTā huā libās thā

maiñ dekhtā chalā gayā

ye shā'iroñ kī bazm hai

ki 'arsa-gāh-e-razm hai

tarah tarah kī boliyāñ

alag alag haiñ Toliyāñ

suḳhan meñ koī fard hai

kisī kā rang zard hai

haiñ in meñ shahsavār bhī

buzurg-e-bā-vaqār bhī

sabhī meñ ye kamāl hai

har ik jagah ye haal hai

marīz ho ki ho maraz

mujhe kisī se kyā ġharaz

mushā’era zarūr thā

maiñ dekhtā chalā gayā

har ek dilruba mila

har ek ba-wafa mila

jise tha pas-e-dosti

wahi uTha baDha mila

nashist jis ki dur thi

qarib aa gaya mila

peshawar aane ka mujhe

sahi jo lutf tha mila

hansi mili KHushi mili

KHudi mili KHuda mila

raqib tha khicha khicha

habib tha ghula mila

nazar nazar ada ada

main dekhta chala gaya

gulon mein zindagi mili

chaman mein dilkashi mili

KHushi gale lagi mili

mili hansi KHushi mili

chaman chaman rawish rawish

bahaar husn ki mili

kahin banawaTen milin

kahin pe sadgi mili

kahin pe zulmaten milin

kahin pe raushni mili

nazar kisi nigah se

kabhi haTi kabhi mili

na tha koi jo Tokta

main dekhta chala gaya

har ek samt KHan hain

shakil hain jawan hain

na nun hain na nan hain

ye sab ke sab paThan hain

jihad in ki shan hai

jihad ki ye shan hain

ye ghaziyon ke hain pisar

mujahidon ki jaan hain

ye sab KHuda-parast hain

KHudi ke tarjuman hain

baDi baDi haweliyan

baDe baDe nishan hain

nazara-ha-e-dilruba

main dekhta chala gaya

'ajib chiz hai yahan

hasin raat ka saman

nigah jis taraf karo

chamak rahi hain bijliyan

hasin log chaar-su

saDak pe hain rawan-dawan

'imaraton ke samne

jhuka hua hai aasman

ki dekhne ki chiz hain

idhar udhar yahan wahan

secretariyon ki moTaren

kamishnaron ki koThiyan

bahaar thi nikhaar tha

main dekhta chala gaya

ye KHush-libas laDkiyan

hasin hasin jawan jawan

husul-e-‘ilm ke liye

qadam qadam rawan-dawan

KHushi se dil mahak uThe

nazar paDi jahan-jahan

khuli hui kitab mein

sharafaton ki dastan

haqiqaten simaT gain

Thahar ke dam liya jahan

sharab ki misal hain

shabab ki ye surKHiyan

ye inqalab ki ada

main dekhta chala gaya

hakim bhi hain pir bhi

amir bhi kabir bhi

assembly mein jalwa-gar

baDe baDe wazir bhi

ki jin ke woTaron mein hain

aqil bhi kasir bhi

unhin ke dam se aaj hai

ye shahr-e-be-nazir bhi

hamare leaderon mein hain

shahir bhi basir bhi

muqim is maqam par

hain ek do safir bhi

yunhi bas ittifaq tha

main dekhta chala gaya

gharib log ba-wafa

amin-e-ghairat-o-haya

dhani hain apni baat ke

nahin hai KHauf jaan ka

masarraton ki baat kar

musibaton ka zikr kya

kabhi jo waqt aa paDa

bura bhala guzar gaya

dahi qadim baat hai

na kuchh ghaTa na kuchh baDha

ki shukr jin ki shan hai

shikayaton se un ko kya

phaTa hua libas tha

main dekhta chala gaya

ye sha'iron ki bazm hai

ki 'arsa-gah-e-razm hai

tarah tarah ki boliyan

alag alag hain Toliyan

suKHan mein koi fard hai

kisi ka rang zard hai

hain in mein shahsawar bhi

buzurg-e-ba-waqar bhi

sabhi mein ye kamal hai

har ek jagah ye haal hai

mariz ho ki ho maraz

mujhe kisi se kya gharaz

musha’era zarur tha

main dekhta chala gaya