peTu bhai

ek haiñ apne peTū bhaa.ī

khāte haiñ din raat malā.ī

har dam charnā kaam hai in kā

peTū yūñhī naam hai in kā

nannhī siimā ko bahlā kar

le lete haiñ biscuit aa kar

ro detī hai baby rozī

chhīnte haiñ jab us kī toffē

rañg sharārat ik din laa.ī

baiThe baiThe shāmat aa.ī

kunDī meñ rakkhī thī miThā.ī

ammī ne kamre meñ chhupā.ī

peTū bhaa.ī ne jab dekhā

muñh meñ jhaT paanī bhar aayā

sochā dil meñ maal hai achchhā

haath lage to phir kyā kahnā

barfī laDDū bālū-shāhī

ḳhuub maze le le kar khaa.ī

shaam ko jab ammī ne sochā

dekheñ kunDī meñ hai kyā

aa kar jab almārī dekhī

paa.ī kunDī bilkul ḳhālī

chauñk uThīñ phir ġhussa aayā

peTū sāhab ko garmāyā

hone lagī jab ḳhuub piTā.ī

tauba kī aur jaan chhuḌā.ī

piTte bhī haiñ khāte bhī haiñ

rote bhī haiñ gaate bhī haiñ

ek hain apne peTu bhai

khate hain din raat malai

har dam charna kaam hai in ka

peTu yunhi nam hai in ka

nannhi sima ko bahla kar

le lete hain biscuit aa kar

ro deti hai baby rozi

chhinte hain jab us ki toffee

rang shararat ek din lai

baiThe baiThe shamat aai

kunDi mein rakkhi thi miThai

ammi ne kamre mein chhupai

peTu bhai ne jab dekha

munh mein jhaT pani bhar aaya

socha dil mein mal hai achchha

hath lage to phir kya kahna

barfi laDDu baalu-shahi

KHub maze le le kar khai

sham ko jab ammi ne socha

dekhen kunDi mein hai kya

aa kar jab almari dekhi

pai kunDi bilkul KHali

chaunk uThin phir ghussa aaya

peTu sahab ko garmaya

hone lagi jab KHub piTai

tauba ki aur jaan chhuDai

piTte bhi hain khate bhi hain

rote bhi hain gate bhi hain