phir na aana

phir na aanā ki ai muñh pher ke jaane vaale

dil-e-sad-chāk meñ baaqī nahīñ vo jazba-e-shauq

jazba-e-shauq ki hotā thā kabhī tere sabab

aaj tere hī sabab ruḳhsat-e-jāñ chāhtā hai

dil ne jab jab tujhe āvāz lagā.ī ro kar

tū ne har baar ise ek nayā zaḳhm diyā

āḳhirash dil meñ jagah koī salāmat na rahī

so na tujh se na tire ġham se 'ilāqa hai mujhe

ab agar lauT bhī aa.e to ba-sad-‘ijz-o-niyāz

aur bāñdhe tar-o-tāza koī paimān-e-vafā

maiñ kahūñgā ki ai muñh pher ke jaane vaale

dil-e-sad-chāk meñ baaqī nahīñ vo jazba-e-shauq

dil-e-sad-chāk ko ab terī zarūrat hī nahīñ

phir na aana ki ai munh pher ke jaane wale

dil-e-sad-chaak mein baqi nahin wo jazba-e-shauq

jazba-e-shauq ki hota tha kabhi tere sabab

aaj tere hi sabab ruKHsat-e-jaan chahta hai

dil ne jab jab tujhe aawaz lagai ro kar

tu ne har bar ise ek naya zaKHm diya

aaKHirash dil mein jagah koi salamat na rahi

so na tujh se na tere gham se 'ilaqa hai mujhe

ab agar lauT bhi aae to ba-sad-‘ijz-o-niyaz

aur bandhe tar-o-taza koi paiman-e-wafa

main kahunga ki ai munh pher ke jaane wale

dil-e-sad-chaak mein baqi nahin wo jazba-e-shauq

dil-e-sad-chaak ko ab teri zarurat hi nahin