پھر نہ آنا

پھر نہ آنا کہ اے منہ پھیر کے جانے والے

دل صد چاک میں باقی نہیں وہ جذبۂ شوق

جذبۂ شوق کہ ہوتا تھا کبھی تیرے سبب

آج تیرے ہی سبب رخصت جاں چاہتا ہے

دل نے جب جب تجھے آواز لگائی رو کر

تو نے ہر بار اسے ایک نیا زخم دیا

آخرش دل میں جگہ کوئی سلامت نہ رہی

سو نہ تجھ سے نہ ترے غم سے علاقہ ہے مجھے

اب اگر لوٹ بھی آئے تو بصد عجز و نیاز

اور باندھے تر و تازہ کوئی پیمان وفا

میں کہوں گا کہ اے منہ پھیر کے جانے والے

دل صد چاک میں باقی نہیں وہ جذبۂ شوق

دل صد چاک کو اب تیری ضرورت ہی نہیں