picnic

samāñ suhānā thā ThanDī huā ke jhoñkoñ se

badan ko tāzgī miltī thī ruuh meñ jaise

izāfa hotā sā mahsūs ho rahā thā mujhe

fazā meñ uḌte hue mast abr ke TukḌe

ye lag rahā thā bahāroñ ke haiñ faristāde

ḳhayāl aayā ki mausam kā lutf leñ sab dost

mare to jaate haiñ jiine ko aaj khul ke ji.eñ

aziim shahr kī ālūda is fazā se pare

kahīñ bhī mil ke chaleñ saath baiTheñ khā.eñ piyeñ

mirā paḌosī baḌā pyārā aadmī thā use

galī meñ aan ke āvāz dī ġhulām-rasūl

ma.an mujhe ye ḳhayāl aayā merā ham-sāya

ab is jahāñ meñ nahīñ ban chukā hai vaqt kī dhuul

jo pichhle saal achānak bhaḌak uThe the yahāñ

vo firqa-vārī fasādāt khā ga.e us ko

saman suhana tha ThanDi hua ke jhonkon se

badan ko tazgi milti thi ruh mein jaise

izafa hota sa mahsus ho raha tha mujhe

faza mein uDte hue mast abr ke TukDe

ye lag raha tha bahaaron ke hain faristade

KHayal aaya ki mausam ka lutf len sab dost

mare to jate hain jine ko aaj khul ke jien

azim shahr ki aaluda is faza se pare

kahin bhi mil ke chalen sath baiThen khaen piyen

mera paDosi baDa pyara aadmi tha use

gali mein aan ke aawaz di ghulam-rasul

man mujhe ye KHayal aaya mera ham-saya

ab is jahan mein nahin ban chuka hai waqt ki dhul

jo pichhle sal achanak bhaDak uThe the yahan

wo firqa-wari fasadat kha gae us ko