pira-ji sagar

canvas ko

camere kī aañkh se tum

dekhte hī dekhte uktā ga.e the

is zamīñ aur āsmāñ ke

rañg ko tū ne na.e ma.anī diye

canvas par rañg do milte haiñ aise

ajnabī insāñ gale milte hoñ jaise

aur lakīreñ dhaḌkanoñ sī

saañs letī haiñ tirī tasvīreñ goyā!

canwas ko

camere ki aankh se tum

dekhte hi dekhte ukta gae the

is zamin aur aasman ke

rang ko tu ne nae mani diye

canwas par rang do milte hain aise

ajnabi insan gale milte hon jaise

aur lakiren dhaDkanon si

sans leti hain teri taswiren goya!