krishn

mathurā ki nagar hai āshiqī kā

dam bhartī hai aarzū isī kā

har zarra-e-sar-zamīn-e-gokul

daarā hai jamāl-e-dilbarī kā

barsānā-o-nand-gāñv meñ bhī

dekh aa.e haiñ jalva ham kisī kā

paiġhām-e-hayāt-e-jāvedāñ thā

har naġhma-e-krishn bāñsurī kā

vo nūr-e-siyāh yā ki hasrat

sar-chashma faroġh-e-āgahī kā

mathura ki nagar hai aashiqi ka

dam bharti hai aarzu isi ka

har zarra-e-sar-zamin-e-gokul

dara hai jamal-e-dilbari ka

barsana-o-nand-ganw mein bhi

dekh aae hain jalwa hum kisi ka

paigham-e-hayat-e-jawedan tha

har naghma-e-krishn bansuri ka

wo nur-e-siyah ya ki hasrat

sar-chashma farogh-e-agahi ka