meri laDli

kitnī bholī hai tū kitnī pyārī hai tū

apne baabā kī behad dulārī hai tū

chāñd sā terā chehra chamaktā rahe

terā kirdār yuuñ hī damaktā rahe

ho hayā kī tirī aañkh meñ raushnī

ibn-e-mariyam sī pākīza ho zindagī

tere hoñToñ pe zikr-e-ilāhī rahe

duur saa.e se tere tabāhī rahe

maiñ to maañ huuñ tirī ye du'ā hai mirī

tujh ko hāsil ho duniyā kī har ik ḳhushī

dīn-e-islām kā 'ilm hāsil kare

aur paḌh likh ke ik ‘ālima tū bane

naam ho saarī duniyā meñ raushan tirā

ho tirā mulk meñ har taraf tazkira

tere baabā kā bhī nām-e-nāmī rahe

terī 'izzat kareñ saare chhoTe baḌe

ham añdhere haiñ raushan sitārā hai tū

apne māñ-bāp kā bas sahārā hai tū

kitni bholi hai tu kitni pyari hai tu

apne baba ki behad dulari hai tu

chand sa tera chehra chamakta rahe

tera kirdar yun hi damakta rahe

ho haya ki teri aankh mein raushni

ibn-e-mariyam si pakiza ho zindagi

tere honTon pe zikr-e-ilahi rahe

dur sae se tere tabahi rahe

main to man hun teri ye du'a hai meri

tujh ko hasil ho duniya ki har ek KHushi

din-e-islam ka 'ilm hasil kare

aur paDh likh ke ek ‘alima tu bane

nam ho sari duniya mein raushan tera

ho tera mulk mein har taraf tazkira

tere baba ka bhi nam-e-nami rahe

teri 'izzat karen sare chhoTe baDe

hum andhere hain raushan sitara hai tu

apne man-bap ka bas sahaara hai tu