professor

college ke mudarris se jo ho aap ko milnā

vo pichhle pahar apne nasheman meñ milegā

aur sub.h ko vo chand kitāboñ kā muallif

nāshir se taqāzā-e-commission meñ milegā

aur din ko vo college meñ paḌhāne se ziyāda

mashshātgī-e-zulf-e-election meñ milegā

kholegā siyāsat kī girah chashm-zadan meñ

lekin dam-e-lecture baḌī uljhan meñ milegā

'ġhālib' ke kisī sher kā matlab na samajh kar

pesh-e-talabā qalb kī dhaḌkan meñ milegā

uljhegā jo 'iqbāl' ke gesū-e-ḳhudī meñ

tajziyya-e-fankārī-e-milTon meñ milegā

lecture bhī jo degā to vo matter se ziyāda

uljhā huā style-o-diction malegā

tahqīq kā saudā kabhī hogā to sar-e-shām

paḌhtā huā katba kisī madfan meñ milegā

aur raat ko bachchoñ ko kisī baat pe dhap ke

makkhī kī tarah biivī se bhan-bhan meñ milegā

college ke mudarris se jo ho aap ko milna

wo pichhle pahar apne nasheman mein milega

aur subh ko wo chand kitabon ka muallif

nashir se taqaza-e-commission mein milega

aur din ko wo college mein paDhane se ziyaada

mashshatgi-e-zulf-e-election mein milega

kholega siyasat ki girah chashm-zadan mein

lekin dam-e-lecture baDi uljhan mein milega

'ghaalib' ke kisi sher ka matlab na samajh kar

pesh-e-talaba qalb ki dhaDkan mein milega

uljhega jo 'iqbaal' ke gesu-e-KHudi mein

tajziyya-e-fankari-e-milTon mein milega

lecture bhi jo dega to wo matter se ziyaada

uljha hua style-o-diction malega

tahqiq ka sauda kabhi hoga to sar-e-sham

paDhta hua katba kisi madfan mein milega

aur raat ko bachchon ko kisi baat pe dhap ke

makkhi ki tarah biwi se bhan-bhan mein milega