purana ghar

ye un dinoñ kī baat hai

jab ghar ke ek kamre meñ

dukh aur malāl mañDlī sajā ke baiThā karte

aur masrūfiyat bahāne bahāne se vahāñ

tāk-jhāñk kartī

dūsre kamre meñ

diloñ meñ naqab lagāne ke sab mansūbe

aapas meñ baiTh kar taash khelā karte

aur maiñ har thoḌī der baa'd

tumhārī ādateñ DhūñDne

store ke chakkar kāTtā rahtā

niiñd khūñTiyoñ par Tañgī rahtī aur

shadīd garmī meñ bhī

tumhārī yaad oḌh ke leTnā paḌtā

bāhar galī meñ kheltī huī ḳhushiyoñ kā shor

us vaqt aur bhī burā lagtā

jab koī aarzū dīvār phalāñg kar

sahn meñ aa girtī aur maiñ

sone kī adākārī karte karte

sach-much so jaatā

ye un dinon ki baat hai

jab ghar ke ek kamre mein

dukh aur malal manDli saja ke baiTha karte

aur masrufiyat bahane bahane se wahan

tak-jhank karti

dusre kamre mein

dilon mein naqab lagane ke sab mansube

aapas mein baiTh kar tash khela karte

aur main har thoDi der ba'd

tumhaari aadaten DhunDne

store ke chakkar kaTta rahta

nind khunTiyon par Tangi rahti aur

shadid garmi mein bhi

tumhaari yaad oDh ke leTna paDta

bahar gali mein khelti hui KHushiyon ka shor

us waqt aur bhi bura lagta

jab koi aarzu diwar phalang kar

sahn mein aa girti aur main

sone ki adakari karte karte

sach-much so jata