پیار کا مزار

محبتوں کے کھیل میں

محبتوں کے دیوتا

نے مجھ سے کھیل کھیل کر

ہرا دیا سنوار کر

مجھے نہیں خبر یہی

کہ میرے دل کی آہ جو

مرے ہی دل کو آ لگی

تو کیوں لگی کہاں لگی

مجھے مرے وجود سے

جو اک ذرا بھی پیار ہو

تو پھر اسی وجود میں

اسے کروں تلاش کیوں

یہ اشک ہیں مرے اگر

تو مجھ سے پھر دغا کیے

اسی صنم کدے سے یوں

ہیں اس طرح فرار کیوں

میں جانتی ہوں جو نہیں

میں کس طرح کروں بیان

میں کس طرح سے دوں صدا

کہ دل مرا ہے بک چکا

یہ دل مرا ہے بک چکا

صنم کے اس بزار میں

جہاں سے اب وہ گمشدہ

ہے پیار کے مزار میں