pyari man

pyārī maañ

ik baat batā

jis shahar meñ ab tū jā ke basī hai us kā mausam kaisā hai

kyā us bastī meñ din hotā hai

vaañ pe raat utartī hai

kyā qabr kī tanhā.ī meñ leTā vaqt samay kuchh kahtā hai

yā din aur raat kī qaid se aarī ant zamāna bahtā hai

kyā sūraj gole kī chand kirneñ andar jā ke girtī haiñ

kyā chhat ke niile ambar uupar chāñd sitāra rahtā hai

kyā jugnū bāteñ karte haiñ

kyā titlī milne aatī hai

kyā qabr sirhāne peḌ ke nīche

bulbul naġhme gaatī hai

kyā lahad kī daa.eñ jānib se jannat kī havā.eñ aatī haiñ

kyā raushan khiḌkī ke raste tibtum kī sadā.eñ aatī haiñ

kyā ahl-e-jannat mil-jul ke aapas meñ bāteñ karte haiñ

kyā ibrāhīm kī raushan peshānī pe nuur utarte haiñ

kyā 'yahyā'-bin-'zakariyā' ke zaḳhmoñ se phuul bikharte haiñ

'yūsuf' kī savārī aatī hai

yāqūb vahāñ kyā karte haiñ

khiḌkī ke raste chupke se

beTe se milne jaatī hai

bāhoñ meñ use le ke apnī

tū aksar lorī gaatī hai

yā us ko lagā kar siine se

jab haule se muskātī hai

tab tujh ko mirī yaad aatī hai

pyari man

ek baat bata

jis shahar mein ab tu ja ke basi hai us ka mausam kaisa hai

kya us basti mein din hota hai

wan pe raat utarti hai

kya qabr ki tanhai mein leTa waqt samay kuchh kahta hai

ya din aur raat ki qaid se aari ant zamana bahta hai

kya suraj gole ki chand kirnen andar ja ke girti hain

kya chhat ke nile ambar upar chand sitara rahta hai

kya jugnu baaten karte hain

kya titli milne aati hai

kya qabr sirhane peD ke niche

bulbul naghme gati hai

kya lahad ki daen jaanib se jannat ki hawaen aati hain

kya raushan khiDki ke raste tibtum ki sadaen aati hain

kya ahl-e-jannat mil-jul ke aapas mein baaten karte hain

kya ibrahim ki raushan peshani pe nur utarte hain

kya 'yahya'-bin-'zakariya' ke zaKHmon se phul bikharte hain

'yusuf' ki sawari aati hai

yaqub wahan kya karte hain

khiDki ke raste chupke se

beTe se milne jati hai

bahon mein use le ke apni

tu aksar lori gati hai

ya us ko laga kar sine se

jab haule se muskati hai

tab tujh ko meri yaad aati hai