pyas

zamāne meñ hamesha tishnagī hī kaam aatī hai

isī se ābrū-e-mai-kada kī aab hai qaa.em

isī ke dam se sarshārī-o-mai-ḳhvārī rahe daa.im

isī se rind kī rindī bhī rangīñ jaam paatī hai

'ibādat rang meñ aa.e sadā tishna-labī hī se

isī ke dam se husn-e-mā'rifat bhī hotā hai hāsil

isī se faiz paate haiñ zamāne ke sabhī vāsil

isī se faiz paate haiñ zamāne ke sabhī vāsil

mileñ mash.hūd aur shāhid hamesha tishnagī hī se

isī kī kaifiyat se dil pe aatā hai nayā joban

isī ke dam se rangīñ titliyāñ phūloñ pe martī haiñ

isī par husn vāloñ kī adā.eñ raqs kartī haiñ

isī se 'ishq vāloñ ke kaTe haiñ sab kaḌe bandhan

bujhā dī pyaas hī tū ne tū kaisā hai mirā saaqī

na marne kī tamanna hai na jiine kī havas baaqī

zamane mein hamesha tishnagi hi kaam aati hai

isi se aabru-e-mai-kada ki aab hai qaem

isi ke dam se sarshaari-o-mai-KHwari rahe daim

isi se rind ki rindi bhi rangin jam pati hai

'ibaadat rang mein aae sada tishna-labi hi se

isi ke dam se husn-e-ma'rifat bhi hota hai hasil

isi se faiz pate hain zamane ke sabhi wasil

isi se faiz pate hain zamane ke sabhi wasil

milen mashhud aur shahid hamesha tishnagi hi se

isi ki kaifiyat se dil pe aata hai naya joban

isi ke dam se rangin titliyan phulon pe marti hain

isi par husn walon ki adaen raqs karti hain

isi se 'ishq walon ke kaTe hain sab kaDe bandhan

bujha di pyas hi tu ne tu kaisa hai mera saqi

na marne ki tamanna hai na jine ki hawas baqi