qatil-e-be-chehra

sharāb pī ke ye ehsās mujh ko hotā hai

ki jaise maiñ hī ḳhudā huuñ

ḳhudā kā beTā huuñ

ḳhudā.ī jis ko chaḌhātī rahī hai suulī par

sharāb pī ke ye ehsās mujh ko hotā hai

ki jaise arsa-e-paikār-e-haqq-o-bātil meñ

hamesha maiñ hī jo maz.har rahā huuñ nekī kā

shikast khātā rahā

piyā hai zahr bhī maiñ ne kaTāyā hai sar bhī

bujhī na pyaas magar ḳhanjar-o-sināñ kī abhī

na jaane kitnī dafa aur qatl honā hai

mujhe ba-pās-e-digar

sharāb pī ke ye ehsās mujh ko hotā hai

ki jaise maiñ hī zamāne meñ ek qātil huuñ

aur aisā qātil-e-be-chehra jis ko sadiyoñ se

zamāna DhūñD rahā hai

magar nahīñ miltā

sharab pi ke ye ehsas mujh ko hota hai

ki jaise main hi KHuda hun

KHuda ka beTa hun

KHudai jis ko chaDhati rahi hai suli par

sharab pi ke ye ehsas mujh ko hota hai

ki jaise arsa-e-paikar-e-haqq-o-baatil mein

hamesha main hi jo mazhar raha hun neki ka

shikast khata raha

piya hai zahr bhi main ne kaTaya hai sar bhi

bujhi na pyas magar KHanjar-o-sinan ki abhi

na jaane kitni dafa aur qatl hona hai

mujhe ba-pas-e-digar

sharab pi ke ye ehsas mujh ko hota hai

ki jaise main hi zamane mein ek qatil hun

aur aisa qatil-e-be-chehra jis ko sadiyon se

zamana DhunD raha hai

magar nahin milta