qatil ko pahchano

soch kahāñ jā kar Thahregī

añdhiyāre meñ kab tak ḳhud ko DhūñDoge

shab kā safar to sub.h pe jā kar ruktā hai

lekin ye shab kitnī kaḌī hai

barsoñ se ik dorāhe par

dam sādhe chup-chāp khaḌī hai

ḳhud ko DhūñDte DhūñDte āḳhir

shab ke ye be-nām musāfir

behis gūñge saa.e ban kar

añdhiyāroñ meñ Duub ga.e haiñ

ye sab kitne bad-qismat haiñ

dil bhī un ke diip kī sūrat jal na sake

aañkh se bhī ik raushan aañsū Dhal na sakā

añdhiyāre meñ ḳhud ko kab tak DhūñDoge

dīvāroñ se kab tak yuuñ sar phoḌoge

aao mere saath chalo tum

garche mere hoñT sile haiñ phir bhī

mere hāthoñ meñ raushan haiñ

aaj bhī lafzoñ kī qindīleñ

un se phūTtī raushnī kī maddham lahroñ meñ

ḳhud ko dekho apne qātil ko pahchāno

soch kahan ja kar Thahregi

andhiyare mein kab tak KHud ko DhunDoge

shab ka safar to subh pe ja kar rukta hai

lekin ye shab kitni kaDi hai

barson se ek dorahe par

dam sadhe chup-chap khaDi hai

KHud ko DhunDte DhunDte aaKHir

shab ke ye be-nam musafir

behis gunge sae ban kar

andhiyaron mein Dub gae hain

ye sab kitne bad-qismat hain

dil bhi un ke dip ki surat jal na sake

aankh se bhi ek raushan aansu Dhal na saka

andhiyare mein KHud ko kab tak DhunDoge

diwaron se kab tak yun sar phoDoge

aao mere sath chalo tum

garche mere honT sile hain phir bhi

mere hathon mein raushan hain

aaj bhi lafzon ki qindilen

un se phuTti raushni ki maddham lahron mein

KHud ko dekho apne qatil ko pahchano