qabr mein zinda hun

kyuuñ nahīñ sone dete mujh ko

jab zinda thā tab par bhī yahī karte the

yahāñ to sukūn do mujhe

har roz chale aate ho dafnāne

ek murda laash ko zinda kar jaate ho

abhī to galā nahīñ maiñ puurī tarah

sunā hai kuchh din meñ

khod kar mujh ko

ek chhoTe bakse meñ bhar doge

ab yahī bachā hai

murdoñ ko bhī chain kī saañs nā lene denā

vo jo cross

mere siine par lagāyā hai

haTā do use

chubhtā hai mujhe

karvaT bhī nahīñ le paatā

kyūñki jagah kam hai yahāñ

paḌos kī qabr meñ

ek nayā musāfir aaya hai

baḌā ḳhush-mizāj hai

kahtā hai ye zindagī

jiine meñ baḌā mazā aatā hai

ab manā kar do logoñ ko

nā jalāyā kare mom-battī

us kī pighaltī būñdeñ

jab girtī hai mere uupar

to chhāle nikal aate haiñ

chalo ab chaltā huuñ

aaj saarī raat

jaag kar kaaT dī

chalo ab chal kar sotā huuñ

kyun nahin sone dete mujh ko

jab zinda tha tab par bhi yahi karte the

yahan to sukun do mujhe

har roz chale aate ho dafnane

ek murda lash ko zinda kar jate ho

abhi to gala nahin main puri tarah

suna hai kuchh din mein

khod kar mujh ko

ek chhoTe bakse mein bhar doge

ab yahi bacha hai

murdon ko bhi chain ki sans na lene dena

wo jo cross

mere sine par lagaya hai

haTa do use

chubhta hai mujhe

karwaT bhi nahin le pata

kyunki jagah kam hai yahan

paDos ki qabr mein

ek naya musafir aaya hai

baDa KHush-mizaj hai

kahta hai ye zindagi

jine mein baDa maza aata hai

ab mana kar do logon ko

na jalaya kare mom-batti

us ki pighalti bunden

jab girti hai mere upar

to chhaale nikal aate hain

chalo ab chalta hun

aaj sari raat

jag kar kaT di

chalo ab chal kar sota hun