qadam mila ke chalo

qadam milā ke chalo haañ qadam milā ke chalo

vatan kī raah meñ ahl-e-vatan nibhā ke chalo

lagan thī jis kī vo āḳhir svārāj le hī liyā

ġhulāmiyoñ se chhuTe taḳht-o-tāj le hī liyā

ḳhud apne haath meñ sab rāj-kāj le hī liyā

na.e vikās kā biiḌā bhī ab uThā ke chalo

qadam milā ke chalo haañ qadam milā ke chalo

vatan kī raah meñ ahl-e-vatan nibhā ke chalo

vatan kī apnī zamīñ āsmāñ ke ham-sar hai

ki taaj koh-e-himāla kā is ke sar par hai

isī vatan kā parastār ḳhud javāhar hai

isī kī jai ke zarā giit gungunāte chalo

qadam milā ke chalo haañ qadam milā ke chalo

vatan kī raah meñ ahl-e-vatan nibhā ke chalo

vo dekho haq kī samādhī se lau nikaltī hai

ki jis se prem kī jyotī diloñ meñ jaltī hai

usī ke nuur se insāniyat bhī Dhaltī hai

kiran se is kī añdheroñ ko jagmagā ke chalo

qadam milā ke chalo haañ qadam milā ke chalo

vatan kī raah meñ ahl-e-vatan nibhā ke chalo

hazār mushkileñ ik jast meñ ubuur karo

har ek roḌe ko Thokar se chūr-chūr karo

jo Daale raḳhna use rāste se duur karo

diler ho to musībat meñ muskurā ke chalo

qadam milā ke chalo haañ qadam milā ke chalo

vatan kī raah meñ ahl-e-vatan nibhā ke chalo

jo zāt-pāt ke bandhan banā.e baiThe haiñ

alag alag jo gharauñde basā.e baiThe haiñ

jo ektā kī haqīqat bhulā.e baiThe haiñ

vo so rahe haiñ abhī tak unheñ jagā ke chalo

qadam milā ke chalo haañ qadam milā ke chalo

vatan kī raah meñ ahl-e-vatan nibhā ke chalo

rahīm-o-rām pe takrār ye sharārat hai

ḳhudā ke naam pe takrār ye sharārat hai

duā salām pe takrār ye sharārat hai

tumheñ qasam hai vatan kī ye shar miTā ke chalo

qadam milā ke chalo haañ qadam milā ke chalo

vatan kī raah meñ ahl-e-vatan nibhā ke chalo

na.e vikās se ham desh ko banā.eñge

jahāñ hai ret vahāñ khet lahlahā.eñge

chaman-chaman meñ na.e phūl-phal khilā.enge

na.ī umang se dil aur nazar sajā ke chalo

qadam milā ke chalo haañ qadam milā ke chalo

vatan kī raah meñ ahl-e-vatan nibhā ke chalo

qadam mila ke chalo han qadam mila ke chalo

watan ki rah mein ahl-e-watan nibha ke chalo

lagan thi jis ki wo aaKHir swaraj le hi liya

ghulamiyon se chhuTe taKHt-o-taj le hi liya

KHud apne hath mein sab raj-kaj le hi liya

nae wikas ka biDa bhi ab uTha ke chalo

qadam mila ke chalo han qadam mila ke chalo

watan ki rah mein ahl-e-watan nibha ke chalo

watan ki apni zamin aasman ke ham-sar hai

ki taj koh-e-himala ka is ke sar par hai

isi watan ka parastar KHud jawahar hai

isi ki jai ke zara git gungunate chalo

qadam mila ke chalo han qadam mila ke chalo

watan ki rah mein ahl-e-watan nibha ke chalo

wo dekho haq ki samadhi se lau nikalti hai

ki jis se prem ki jyoti dilon mein jalti hai

usi ke nur se insaniyat bhi Dhalti hai

kiran se is ki andheron ko jagmaga ke chalo

qadam mila ke chalo han qadam mila ke chalo

watan ki rah mein ahl-e-watan nibha ke chalo

hazar mushkilen ek jast mein ubur karo

har ek roDe ko Thokar se chur-chur karo

jo Dale raKHna use raste se dur karo

diler ho to musibat mein muskura ke chalo

qadam mila ke chalo han qadam mila ke chalo

watan ki rah mein ahl-e-watan nibha ke chalo

jo zat-pat ke bandhan banae baiThe hain

alag alag jo gharaunde basae baiThe hain

jo ekta ki haqiqat bhulae baiThe hain

wo so rahe hain abhi tak unhen jaga ke chalo

qadam mila ke chalo han qadam mila ke chalo

watan ki rah mein ahl-e-watan nibha ke chalo

rahim-o-ram pe takrar ye shararat hai

KHuda ke nam pe takrar ye shararat hai

dua salam pe takrar ye shararat hai

tumhein qasam hai watan ki ye shar miTa ke chalo

qadam mila ke chalo han qadam mila ke chalo

watan ki rah mein ahl-e-watan nibha ke chalo

nae wikas se hum desh ko banaenge

jahan hai ret wahan khet lahlahaenge

chaman-chaman mein nae phul-phal khilaenge

nai umang se dil aur nazar saja ke chalo

qadam mila ke chalo han qadam mila ke chalo

watan ki rah mein ahl-e-watan nibha ke chalo