qahqahe

bhayyā kī khā ke maar lagātā huuñ qahqahe

jab dekhte haiñ yaar lagātā huuñ qahqahe

dil meñ hai imtihān kā ġham kis tarah bhulā.ūñ

ho ho ke be-qarār lagātā huuñ qahqahe

jab dekhtā huuñ ḳhvāb ki schōl jal gayā

ḳhush ho ke baar baar lagātā huuñ qahqahe

kartā hai Dheñchūñ Dheñchūñ mire ilm kā gadhā

hotā huuñ jab savār lagātā huuñ qahqahe

nārāz ho ke ghar se jo koī nikāl de

jā kar nadī ke paas lagātā huuñ qahqahe

sar par agar paḌeñ kabhī yāroñ kī sainDeleñ

bāloñ ko maiñ sañvār lagātā huuñ qahqahe

mujh ko bahut hai qahqaha number kā intizār

kartā huuñ intizār lagātā huuñ qahqahe

har roz maiñ khilaune ke daftar ke aas paas

jā jā ke pāñch chaar lagātā huuñ qahqahe

aur pūchhte haiñ jab chachā yūsuf ye kaun hai

maiñ ro ke zār-zār lagātā huuñ qahqahe

ilyās DāñTe haiñ jo khiḌkī se jhāñk jhāñk

maiñ hans ke das hazār lagātā huuñ qahqahe

idrīs bhāgte haiñ mire pīchhe laTh liye

jaate haiñ jab vo haar lagātā huuñ qahqahe

yūnus jo pheñkte haiñ kabhī mujh pe belcha

maiñ ban ke ḳhāksār lagātā huuñ qahqahe

jab zīnat aapā kartī haiñ mujh ko nasīhateñ

maiñ sun ke be-shumār lagātā huuñ qahqahe

pāgal huuñ imtihān ke qābil nahīñ rahā

jis dil pe mujh ko naaz thā vo dil nahīñ rahā

is ġham meñ bār-bār lagātā huuñ qahqahe

bhayya ki kha ke mar lagata hun qahqahe

jab dekhte hain yar lagata hun qahqahe

dil mein hai imtihan ka gham kis tarah bhulaun

ho ho ke be-qarar lagata hun qahqahe

jab dekhta hun KHwab ki school jal gaya

KHush ho ke bar bar lagata hun qahqahe

karta hai Dhenchun Dhenchun mere ilm ka gadha

hota hun jab sawar lagata hun qahqahe

naraaz ho ke ghar se jo koi nikal de

ja kar nadi ke pas lagata hun qahqahe

sar par agar paDen kabhi yaron ki sainDelen

baalon ko main sanwar lagata hun qahqahe

mujh ko bahut hai qahqaha number ka intizar

karta hun intizar lagata hun qahqahe

har roz main khilaune ke daftar ke aas pas

ja ja ke panch chaar lagata hun qahqahe

aur puchhte hain jab chacha yusuf ye kaun hai

main ro ke zar-zar lagata hun qahqahe

ilyas DanTe hain jo khiDki se jhank jhank

main hans ke das hazar lagata hun qahqahe

idris bhagte hain mere pichhe laTh liye

jate hain jab wo haar lagata hun qahqahe

yunus jo phenkte hain kabhi mujh pe belcha

main ban ke KHaksar lagata hun qahqahe

jab zinat aapa karti hain mujh ko nasihaten

main sun ke be-shumar lagata hun qahqahe

pagal hun imtihan ke qabil nahin raha

jis dil pe mujh ko naz tha wo dil nahin raha

is gham mein bar-bar lagata hun qahqahe