qaidan chiDiya

mujhe chhoḌ de ab to ai chhoTe laḌke

kiyā qaid tū ne hai kyoñ mujh ko bachche

maiñ mar jā.ūñgī haa.e pinjre meñ ghuT ke

mujhe chhoḌ dūñgī duā tujh ko chhuT ke

mire nanhe bachche daraḳhtoñ pe bhūke

mujhe yaad kar kar ke vo hoñge rote

zarā tīliyāñ pinjre kī toḌ de tū

maiñ bachchoñ kī maañ huuñ mujhe chhoḌ de tū

maiñ uḌ jā.ūñ phir se duā de ke tujh ko

tū jiitā rahe chhoḌ de ab to mujh ko

tumheñ gar koī band pinjre meñ kar de

to dekhūñ ki kaisā ho tum rañj karte

tumheñ apnī maañ yaad aa.egī kaisī

tumheñ yaad ghar kī satā.egī kaisī

ye sun khol kar achchhe laḌke ne piñjrā

usī dam uḌā dī vo nannhī sī chiḌiyā

mujhe chhoD de ab to ai chhoTe laDke

kiya qaid tu ne hai kyon mujh ko bachche

main mar jaungi hae pinjre mein ghuT ke

mujhe chhoD dungi dua tujh ko chhuT ke

mere nanhe bachche daraKHton pe bhuke

mujhe yaad kar kar ke wo honge rote

zara tiliyan pinjre ki toD de tu

main bachchon ki man hun mujhe chhoD de tu

main uD jaun phir se dua de ke tujh ko

tu jita rahe chhoD de ab to mujh ko

tumhein gar koi band pinjre mein kar de

to dekhun ki kaisa ho tum ranj karte

tumhein apni man yaad aaegi kaisi

tumhein yaad ghar ki sataegi kaisi

ye sun khol kar achchhe laDke ne pinjra

usi dam uDa di wo nannhi si chiDiya