qaidi

ham sab apne apne aqīdoñ ke qaidī haiñ

jo kuchh ham ne samjhā us ko buujh liyā hai

jo kuchh ham ne dekhā us ko jaan liyā hai

jo kuchh ham ne chāhā us ko maan liyā hai

ham kab soch bhī sakte haiñ dīvār se aage

chhed kiye sīnoñ meñ ham ne apne aqīdoñ ke ḳhanjar se

ham ne diloñ meñ zahr bharā hai

ham ne fasīloñ kī dhāroñ se ḳhud ko bhī to kaaT diyā hai

ham sab apne apne aqīdoñ ke qaidī haiñ

hum sab apne apne aqidon ke qaidi hain

jo kuchh hum ne samjha us ko bujh liya hai

jo kuchh hum ne dekha us ko jaan liya hai

jo kuchh hum ne chaha us ko man liya hai

hum kab soch bhi sakte hain diwar se aage

chhed kiye sinon mein hum ne apne aqidon ke KHanjar se

hum ne dilon mein zahr bhara hai

hum ne fasilon ki dhaaron se KHud ko bhi to kaT diya hai

hum sab apne apne aqidon ke qaidi hain