قیدی

سنو لڑکی

محبت کے سفر میں تو

کوئی منزل نہیں ہوتی

کہ تپتے ریگزاروں میں

ہمیشہ چلنا پڑتا ہے

یہ ایسا کھیل ہے جس میں

کہیں بھی جیت ہوتی ہے

نہ کوئی مات ہوتی ہے

فقط جو قرب پانے کو

محبت نام دیتے ہیں

بہت نادان ہوتے ہیں

سنو لڑکی

تمہیں تو بنت حوا کی

نظر آتی ہے مجبوری

تمہیں کیسے بتاؤں میں

کہ میں جو ابن آدم ہوں

مجھے بھی باندھ رکھا ہے

انہیں رسموں رواجوں نے

کہ جن کی قید میں تم ہو

انہی کا میں بھی قیدی ہوں