qatl-e-bahaaran

bol ki lab āzād haiñ tere

bol zabāñ ab tak terī hai

dekh ki tere arz-e-vatan meñ

qasba qasba qarya qarya

aaj ye kaisā hashr bapā hai

shahroñ shahroñ gaañv gaañv

moḌ moḌ par galī galī meñ

lāshoñ kā ambār sajā hai

qadam qadam par

dast-e-sitam meñ teġh-e-jafā hai

marka-hā-e-jurm-o-sazā hai

dekh ki tere sehn-e-chaman kā

pattā pattā buuTā buuTā

ḳhuun meñ apne lat-pat lat-pat

ḳhauf-e-ḳhizāñ se

shāḳh-e-nahālāñ

larzāñ larzāñ

sumbul-o-raihāñ

ġham se hirāsāñ

ġhuncha ġhuncha

hairāñ hairāñ

gosha gosha chappa chappa

qatl-e-bahārāñ qatl-e-bahārāñ

ruuh pareshāñ jism figārāñ jaan pashemāñ

ḳhvāb se har ta.abīr gurezāñ

ujḌā khanDar

suunā manzar

beva panchhī

zaḳhmī taa.ir

uryāñ ḳhanjar

ḳhūnīñ dhartī kaalā sūraj giilā ambar

jangal jangal ḳhauf aur dahshat

sahrā sahrā vahshat vahshat

tank kī aamad

top kī harakat

jang kī la.anat

qaht kā saaya

bhuuk kī āñdhī

aur bekārī

aur bad-chalanī

aur bīmārī

tan kī tijārat

man kī hazīmat

dhan kī hukūmat

bhūkī siitā nangī mariyam murda gautam

pāra-pāra shīsha-e-hurmat

reza reza qasr-e-tamaddun

dhajjī dhajjī amn kā parcham

bol ki lab āzād haiñ tere

bol ki lab aazad hain tere

bol zaban ab tak teri hai

dekh ki tere arz-e-watan mein

qasba qasba qarya qarya

aaj ye kaisa hashr bapa hai

shahron shahron ganw ganw

moD moD par gali gali mein

lashon ka ambar saja hai

qadam qadam par

dast-e-sitam mein tegh-e-jafa hai

marka-ha-e-jurm-o-saza hai

dekh ki tere sehn-e-chaman ka

patta patta buTa buTa

KHun mein apne lat-pat lat-pat

KHauf-e-KHizan se

shaKH-e-nahaalan

larzan larzan

sumbul-o-raihan

gham se hirasan

ghuncha ghuncha

hairan hairan

gosha gosha chappa chappa

qatl-e-bahaaran qatl-e-bahaaran

ruh pareshan jism figaran jaan pasheman

KHwab se har tabir gurezan

ujDa khanDar

suna manzar

bewa panchhi

zaKHmi tair

uryan KHanjar

KHunin dharti kala suraj gila ambar

jangal jangal KHauf aur dahshat

sahra sahra wahshat wahshat

tank ki aamad

top ki harakat

jang ki lanat

qaht ka saya

bhuk ki aandhi

aur bekari

aur bad-chalani

aur bimari

tan ki tijarat

man ki hazimat

dhan ki hukumat

bhuki sita nangi mariyam murda gautam

para-para shisha-e-hurmat

reza reza qasr-e-tamaddun

dhajji dhajji amn ka parcham

bol ki lab aazad hain tere