بول کہ لب آزاد ہیں تیرے
بول زباں اب تک تیری ہے
دیکھ کہ تیرے ارض وطن میں
قصبہ قصبہ قریہ قریہ
آج یہ کیسا حشر بپا ہے
شہروں شہروں گاؤں گاؤں
موڑ موڑ پر گلی گلی میں
لاشوں کا انبار سجا ہے
قدم قدم پر
دست ستم میں تیغ جفا ہے
معرکہ ہائے جرم و سزا ہے
دیکھ کہ تیرے صحن چمن کا
پتا پتا بوٹا بوٹا
خون میں اپنے لت پت لت پت
خوف خزاں سے
شاخ نہالاں
لرزاں لرزاں
سنبل و ریحاں
غم سے ہراساں
غنچہ غنچہ
حیراں حیراں
گوشہ گوشہ چپہ چپہ
قتل بہاراں قتل بہاراں
روح پریشاں جسم فگاراں جان پشیماں
خواب سے ہر تعبیر گریزاں
اجڑا کھنڈر
سونا منظر
بیوہ پنچھی
زخمی طائر
عریاں خنجر
خونیں دھرتی کالا سورج گیلا امبر
جنگل جنگل خوف اور دہشت
صحرا صحرا وحشت وحشت
ٹینک کی آمد
توپ کی حرکت
جنگ کی لعنت
قحط کا سایہ
بھوک کی آندھی
اور بیکاری
اور بد چلنی
اور بیماری
تن کی تجارت
من کی ہزیمت
دھن کی حکومت
بھوکی سیتا ننگی مریم مردہ گوتم
پارہ پارہ شیشۂ حرمت
ریزہ ریزہ قصر تمدن
دھجی دھجی امن کا پرچم
بول کہ لب آزاد ہیں تیرے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
