qaumi yak-jihati

zindagī naam hai jiine kā jise jaanā hai

haañ magar jī ke bahak jaane pe jurmāna hai

vaqt kī tez havāoñ kā ye samjhānā hai

jis ne mausam ko na samjhā vahī dīvāna hai

phuul chunñā to salīqe se chaman meñ rahnā

ābrū-dār-e-vatan ban ke vatan meñ rahnā

ḳhuun ye apnā jahāñ tak hai vatan kī had hai

apnī sāñsoñ meñ jo ḳhushbū hai chaman kī had hai

apnī miTTī meñ azānoñ kī bhajan kī had hai

desh meñ sab ke liye gang-o-jaman kī had hai

apnī had meñ haiñ sabhī ek to nafrat kaisī

ek bhaa.ī ko hai bhaa.ī se adāvat kaisī

sirf alfāz meñ uljhe haiñ ye sarvan ye salīm

ek bhagvān ḳhudā ek to kaisī taqsīm

baat sachchī hai to sach kahte haiñ ye de do hakīm

hai jo puujā meñ shrī raam ibādat meñ rahīm

joḌ kar dekhiye ab farq kahāñ miltā hai

vahāñ jhagḌā na ho īmān jahāñ miltā hai

pāñch gāñdhī kī nigāhoñ meñ rahe qurbānī

kyoñ milāte ho shahīdoñ ke lahū meñ paanī

hai kahīñ aag kahīñ ḳhuun kahīñ vīrānī

apne gulshan meñ kisī kī na chale man-mānī

sab qasam khā.eñ ki dañgā nahīñ hone deñge

aur ab desh ko rusvā nahīñ hone deñge

jo buzurgoñ kā sabaq hai vo sunānā hogā

ektā hī meñ bhalā hai ye dikhānā hogā

haath ke saath hameñ dil bhī milānā hogā

ghar ko sarhad ko lahū de ke bachānā hogā

apne bhārat ke charāġhoñ kā ujālā ban kar

dushmanoñ ke liye DaT jaanā himāla ban kar

zindagi nam hai jine ka jise jaana hai

han magar ji ke bahak jaane pe jurmana hai

waqt ki tez hawaon ka ye samjhana hai

jis ne mausam ko na samjha wahi diwana hai

phul chunna to saliqe se chaman mein rahna

aabru-dar-e-watan ban ke watan mein rahna

KHun ye apna jahan tak hai watan ki had hai

apni sanson mein jo KHushbu hai chaman ki had hai

apni miTTi mein azanon ki bhajan ki had hai

desh mein sab ke liye gang-o-jaman ki had hai

apni had mein hain sabhi ek to nafrat kaisi

ek bhai ko hai bhai se adawat kaisi

sirf alfaz mein uljhe hain ye sarwan ye salim

ek bhagwan KHuda ek to kaisi taqsim

baat sachchi hai to sach kahte hain ye de do hakim

hai jo puja mein shri ram ibaadat mein rahim

joD kar dekhiye ab farq kahan milta hai

wahan jhagDa na ho iman jahan milta hai

panch gandhi ki nigahon mein rahe qurbani

kyon milate ho shahidon ke lahu mein pani

hai kahin aag kahin KHun kahin virani

apne gulshan mein kisi ki na chale man-mani

sab qasam khaen ki danga nahin hone denge

aur ab desh ko ruswa nahin hone denge

jo buzurgon ka sabaq hai wo sunana hoga

ekta hi mein bhala hai ye dikhana hoga

hath ke sath hamein dil bhi milana hoga

ghar ko sarhad ko lahu de ke bachana hoga

apne bhaarat ke charaghon ka ujala ban kar

dushmanon ke liye DaT jaana himala ban kar