qita kya hai

kam se kam chaar misre haiñ qit.a suno

lutf le le ke ash.ār is ke paḌho

lo suno mujh se tum aaj qit.e kā haal

is meñ hotā hai ik markazī sā ḳhayāl

'shād'-o-'aḳhtar' ke mash.hūr qit.e hue

mar ke vo apne qit.oñ meñ zinda rahe

har kisī ko nahīñ aatā qit.e kā fan

hai alag bachcho ye ek tarz-e-suḳhan

ibtidā meñ na qit.a kā fan aa.egā

ye miyāñ ḳhud hī do sher ban jā.egā

qit.e dilkash kaho muḳhtasar bahr meñ

hoñge mash.hūr ye fikr ke shahr meñ

tifl-gāñ ke liye tum bhī qit.e kaho

aur 'hāfiz' jī ustād ban ke raho

kam se kam chaar misre hain qita suno

lutf le le ke ashaar is ke paDho

lo suno mujh se tum aaj qite ka haal

is mein hota hai ek markazi sa KHayal

'shad'-o-'aKHtar' ke mashhur qite hue

mar ke wo apne qiton mein zinda rahe

har kisi ko nahin aata qite ka fan

hai alag bachcho ye ek tarz-e-suKHan

ibtida mein na qita ka fan aaega

ye miyan KHud hi do sher ban jaega

qite dilkash kaho muKHtasar bahr mein

honge mashhur ye fikr ke shahr mein

tifl-gan ke liye tum bhi qite kaho

aur 'hafiz' ji ustad ban ke raho